mangayam sa kalibunán. Makapamutól usab akó ug mga kahoy
nga igsusugnod nga akong ibaligyà kun ihatag ba sa akong
agalon arón siyá malipay kanakò. Kon makahimo na akó pag-
daro, hangyuon ko siyá nga piyalán akó niya ug usa ka lunâ
nga yutà nga akong tamnan ug tubó kun mais ba, ug unya
dili na ikaw mag-utas ug panahì hangtud sa tungáng-gabii.
Aduna unya kitáy bag-ong sapút inig-abút sa pangilin, magasulâ
unya kitág karne ug mga isdang dagkú. Sa ingón nianá wa-
láy magapiut kanakò, managkità kitá adlawng tanán ug manag-
salo pagpangaon. Ug, sanglit si Crispín maayo man gayud ug
ulo, matud ni iyo Tasyo, patun-on ta siya didto sa Manilà; an-
tuson ko nga siyá mopuyô didto pinaagi sa pagpamuo dinhi.
Unsa, nanay? Ug unyà mahimo siyang doktor. Unsa may pu-
long mo?
―¿Unsa may ipulong ko kon dili uyon akó? ―mitubág si Sisa dungán ang paggakús sa iyang anák.
Nakaalinggat si Sisa nga sa iyang paghisgot sa umaabut, si Basilio walâ lamang mahanumdom sa iyang amahán, ug tungúd niini mihilak siyá sa tago.
Si Basilio mipadayon paghisgot sa mga butang iyang gihunà- hunà alang sa kaugmaon, hupóng ang kasingkasing nianang pag- laum nga kaugalingon sa panuigong malinghod. Sa mga gisulti ni Basilio si Sisa mitangdò, kay gihunàhunà man niya nga kadtong tanán pulós maayo. Sa hinayhinay ang bata nahibalík pag- hikatulog, ug gidamgo na usáb siya.
Gidamgo siya nga nahimo nang magbalantay sa mga hayop ubán sa iyang manghod; namúpò silág mga bayabas ug ubân pang mga bunga sa kahoy didto sa libon; nanagbalhinbalhin silá pagbatóg sa mga kasangahán sa kahoy daw mga kabà-kabà; na- nulod silá sa mga langob ug nakità nila nga ang mga pangpang niadtong langoba nagakasigá sa kahayag; nangaligò silá sa mga tubód ug nakita nila nga ang balas sa sapa maóy abóg sa bula- wan ug ang mga bató nga gidayandayan sama sa mga bató sa korona sa Birhen. Gikataw-an ug giawitan silá sa mga isdang gagmay ug nangapilay ang mga sangá sa mga gagmayng kahoy nga nagabaguód sa mga bunga nga gitiponan ug mga kwarta. Ug unyà nakakitâ siyág usá ka lingganay nga gibitay sa usá ka punoang kahoy ug usa ka hataás nga pisi arón sa pagbagting;
