Sa may ika 7 ang taknà maóy pagkahumán ni parì Salví sa iyang katapusang misa: ang tutuló iyang nahumán sulod sa usá lamang ka takna.
―Ang parì nagmasakiton dagway, -matúd sa mga biyata- kay ang iyang panglihok dili man maó ang iyang naandan.
Naghukas siyá sa mga sapút nga galawion sa pagmisa walay tingog, walâ motan-aw bisan kang kinsa ug walâ mobuyág sa mga sayóp sa iyang mga sakristán, sumalà sa iyang nabatasan.
―Bantay kitá-naghunghongay ang mga sakristán; —¡ang saput sa parì nagairog! ¡Magaulán na usáb karón ang mga multa, ug nianang tanán maoy sad-an ang duha ka magsuon!
Ang parì migulâ sa kristiya ug misaká sa kombinto diín sa kayda adunay pitó kun waló ka babaye nga nanglingkod sa bang- kò nanaghulát kaniya ubán sa usá ka lalaki nga nagasamot su- roysuroy. Sa pagkakita sa pari, ang mga babaye nanindog ug usá kanila buút untâ moduol arón pag-amin sa iyang kamót, apán midiyong ang nawong ni parì Salví ug ang babaye walâ mopa- dayon pagduol.
―¿Nawad-an ba kahág kahati ang paring Inót? ―matud sa babaye nga mikatawa agig biaybiay, nasukô nga walâ tagda. ¡Wala pa igdungog nga ang celadora sa Hermandad, si Hermana Rufa walâ paaminá sa parì!
―Karóng buntág walâ siyá molingkod sa Kompisalan, misumpay si Hermana Sipa, usá ka tigulang nga nangyakob na; ―buút untâ kadto akó mokompisal ganina arón makadawat ug mga indulgencia.
―¡Sa ingon nianà, gilupig ko diáy ikaw! ―matud pa sa usá ka babayeng batan-on nga mahapsay ug nawong; ―karóng si- manaha nakadawat akó ug tutuló ka indulgencia plenaria ug ang tanán akong gipahinungód sa kalág sa akong bana.
