—¡Dili maayo, Hermana Juana! -mitubág si Hermana Rufa nga naglagot. —Usá ka indulgencia plenaria¹ igo na kaayong ma- kaluwás sa imong bana sa kalayo sa Purgatoryo; dili maayong imong usikusikán ang mga santas indulgencia; sunda ang akong gibuhat.
―Sa áko ugód kadtong hunàhunà nga kon madaghan labing maayo mitubág si Hermana Juana nga nagapahiyúm. ―Apán tug-ani kamí kon unsáy imong buhaton.
―Si Hermana Rufa walâ motubág dayon; nangayò usá ug ti- lád, mimamá ug unya mitan-aw sa iyang mga kauban nga na- naghulát sa iyang buút isulti, nangluwá siyá sa daplin ng sam- tang nagausap sa tabakò, misulti sa ingón niini:
―¡Dili gayúd nakò usikan bisan usá ka adlaw! Sukad sa paghisakóp ko sa Hermandad nakadawat na akó ug 457 ka indul- gencia plenaria, 760,598 ka tuig nga indulgencia. Ilista ko ang tanáng mga indulgencia nga akong madawat, kay dilì akó buút ug libog sa ulo; dilì akó manglimbong ug dili usab palimbong.
Si Hermana Rufa mihunong kadiyót ug mipadayon pag-usap sa tilád; ang iyang mga kaubang babaye nanghinan-aw kani- ya punó sa kahibulong, apán ang lalaki nga nagsuroysuroy mi- hunong ug miingón kang Hermana Rufa nga daw iyang gibiay- biay:
―Apán ning tuiga lamang, ang akong nadawat milabáw ug upát ka indulgencia plenaria ug usa ka gatús ka tuig kay sa imo, ngani ning tuiga gitapulan akó sa pagpangadyè.
―¿Labáw kay kanako? ¿Labáw sa 689 ka indulgencia ple- naria ug 994,856 ka tuig? -misuná si Hermana Rufa nga nag- lagot.
―Oo, maó kaná; labáw ug waló ka indulgencia plenaria ug usa ka gatús ug napulog-limá ka tuig ug pilá ka bulan,― matud pa sa tawo nga nagkapulikì sa mga rosaryohan ug mga karmen nga gitagiptip na sa buling nga nangumbitay sa iyang liog.
―Dili kana kahibudngan, ―matud ni Hermana Rufa nga napadaug na lamang; —¡ikáw maó man ugod ang magtutudlo ug pangulo dinhi sa lalawigan!
P. 158 ― (1) ― Pasaylo sa tanang silot, hingpit nga indulto.
