Maoy usa ka lawak nga may gitas-ong napulog-duha kun napulog-lima ka metros ug may gilapdong wald kun napulb ka metros. Ang iyang mga parti nga pinintalag apog nabulit sa mga dibuho nga binadlis sa uling, mangil-ad nga pagkabuhat ug may pagkalaw-ay, sinulatan ug mga pulong nagahingpit pagpasabut sa ilang kahulogan. Sa usa ka suok ug hinapnig pag-ayo, gipanandig sa bungbong may napulb kaha ka buok nga karaang mga pusil nga duslitan pag agipo kon pabuthon, uban sa mga sableng gipanay-an na, mga espadin ug mga talibong: mao kadto ang mga hinagiban sa mga kuwadrilyero.1
Sa usa ka tumoy sa lawak nga gidayandayanan ug mga tabil nga mapula ug bulingon, gibitay sa bungbong ang usa ka hulagway sa Hari sa Espanya; sa ubus sa maong hulagway, pinatong sa usa ka tungtunganang kahoy, makitii ang usa ka dakung siyang karaan nga guba nag mga akmoyanan; sa atubangan adunay usa ka dakung talad kahoy nga nabulit sa tinta ug gikulitkulitan sama nianang mga talad sa mga tindahan sa alak didto sa Alemanya nga kanunayng sudlan sa mga tinon-an. Ug sa katapusan, aron mahingpit gayud ang mga ginamiton didto sa tribunal, adunay makita nga mga bangko ug mga siyang guba.
Mao kini ang lawak nga tigumanan, lawak sa maghuhukom, lawak diin sakiton ang mga dinakpan, ubp. Dinhi ania karon managkulo-kabildo ang mga punoan sa lungsod ug sa mga balangay: ang pundok sa mga tigulang wala makigtipon sa pundok sa mga batan-on ug ang tagsatagsa kanila dili gayud magakaduol: kadtong duruha ka pundok maagid-agid sa ginatawag ug partido conservador ug partido liberal, ugaling kay sa kalungsoran ang ilang mga bugnb sabug nga molapas sa kasarangan.
—Aduna akoy himatikdan ning gibuhat sa gobernadorcillo! —matud ni Don Filipo, ang pangulo sa partido liberal, sa iyang
(1) — Polis sa banikanhon kun iunl policeman karon.
