mga higala; —aduna gayud siyay gihunahuna nang daan nga buhaton tungud ning paglangaylangay sa paghisgot sa mga galastohan hangtud sa katapusang takna. Timan-i baya ninyo nga napulb na lamag-usa ka adlaw ang nahibilin.
—Ug napabilin siya sa kombinto aron pakigsulti sa pari nga nagmasakiton!—miingon ang usa ka batan-on.
—Walay sapayan!—mitubag ang usa;—tanan hinikay nang daan. Basta dili lamang uyonan sa kadaghanan ang gihunahuna sa mga tigulang...
—Dili ako motuong uyonan!—matud ni Don Filipo;—ako maoy mopasaka unya sa gihunahuna sa mga tigulang...
—Ngano, unsay gisulti mo?—nagdungan pagpangutana ang nanagpamati kaniya nga nanghibulong.
—Kon makasulti ako pag-una, ipasaka ko ang gihunahuna sa atong mga kaaway.
—Nan, dang atoa diay?
—Kon ipasaka man ugaling, ikaw maoy mangako niana— mitubag ang tenyente nga mipahiyum ug miatubang sa usa ka batan-ong kabisa;—unya na ikaw mosulti kon ang akong ipasaka isalikway na sa kadaghanan.
Wala ikaw namb hisabti, Don Filipo!—matud sa mga kauban sa tenyente, nanagduhaduha ug mitan-aw kaniya.
—Pamati kamo!—matud ni Don Filipo sa tingog mahinay sa duroha kun tutulo ka kauban nga namati kaniya.—Karong buntag gikakita ko ang tigulang si pilosopo Tasyo.
—Ug unya?
—Ang tigulang miingon kanako: “Ang inyong mga ka away nangasilag batok kanimo labaw kay sa ilang pagkasilag batok sa imong mga hunahuna. <!Buut ikaw nga ang usa ka butang dili mahimo? Ipahayag kanila, kay, bisan kanang butanga labi pang mapuslanon kay sa mitra1 apan tungod kay gikan man kanimo, walay duhaduha isalikway gayud nila. Unya, kon ikaw mapilde na, maoy pasultiha sa inyong gihunahunang buhaton ang usa sa inyong mga kauban nga labing mapaubsanon, ug ang inyong mga kaaway, aron, pagpakaulaw kanimo, walay duhaduha manguyon niining gipahayag sa ulahing mosulti.” Apan ayaw kamog sabri niini.
(1) Kalong taliwtiw nga gamiton sa mga abispo ug orsobispo sa mga solemnang kalihokan sa simbahan.
