mutang dapit sa bukid. Kadtong mga tawhana managkuyog
pagpanaw, babaye ug lalaki, managkabayog mga kabayong bunuton ug managtangkil tagurha ka buok bukag nga puno sa mga
isda. Pipila kanila inig-agi sa payag ni Sisa manginum ug tubig,
ug unya gasahan siyag pila ka buok nga isda. Karon inig-agi
nila, pakaingnon niya nga padam-agan ug payatakan na lamang
siya sa mga kabayb ug nga ang ilang tinan-awan nga maluluy-on
kun matinamayon molahos sa panyb ug modulot sa iyang nawong.
Sa Katapusan ang mga magpapanaw misaylo ug si Sisa nakaginhawa intawon. Gikuhb niyag kadiyot ang panyb sa iyang nawong aron pagtan-aw kon halayb pa ba sila sa lungsod. Moisip pa siyag pila ka buok haligi nga gikutayan sa kawat sa telegrafo una moabut sa bantayan. Gipakaingon niya nga niadtong higayona taas na kaayo kadtong gilay-ona.
Sa daplin sa dalan adunay mga kawayanan ug sa landong niadtong mga kawayanan adto siya magpasilongan kanhi. Didto makigsulti siya sa iyang sinaaran nga moulog kaniya sa bukag nga punb sa mga utanon ug mga bunga sa kahoy nga iyang lukduon. Ay! kadtong tanan nangagi na karon sama sa damgo; ang hinigugma kanhi bana na karon ug kini gihimong kabisa sa balangay ug dinhi magsugod ang mga kadaut nga ilang giantus.
Sanglit ang kainit sa Adlaw makusog na, gipangutana siya sa mga sundalo kon dili ba mopahulay.
—Salamat—mitubag siya nga gingilngigan. Apan diin gayud siya abuta ug dakung kalisang mao sa paghiduol na nila sa lungsod. Masulub-on uyamut, milingi siya sa luyogluyo, ug nakita niya ang dagkung mga humayan, usa ka paliki, mga kahoy nga sagutsuton; jwala gayud siyay nakitang bung-aw kun pangpang nga arang unta niya kaambakan! Nagbasul siya nga mikuyog sa mga sibil hangtud sa lungsod, daw gimingaw hinuon sa halawom nga suba nga nagadaligdig duol sa iyang balay, suba nga ang iyang hatag-as nga tampi ug mga pangpang talinis daw nagadapit sa paghikog ug didto pakatam-ison unta niya, palabihon unta niya ang kamatayon kay sa pagkuyog niadtong mga sundalo. Apan ang pagpalandong niya sa iyang mga anak, kang Crispin nga wala siya masayud unsay
