Nangagi ang tu!6 ka adlaw gikan sa nanghitabo nga ato nang giasoy. Kining tulo ka adlaw ug tulo ka gabii gigahin sa lungsod sa San Diego aron pagpangandam alang sa iyang pangilin ug upod sa paghulohisgot ug paglibaklibak.
Samtang ang uban nanagtagamtam nang daan sa umaabut nga mga kalipay sa pangilin, ang uban usab nanaglibak sa gobernadorcillo, ang uban sa teniente mayor, ang uban sa mga batanon, ug hangtud diha pa gayuy miingon nga ang tanan maoy sad-an niadtong nanghitabo.
Gihisgotan nila ang pag-abut ni Maria Clara inubanan sa iyang iyaan nga si Isabel, ug nangalipay sila uyamut kay gihigugma man nila ang anak ni Kapitan Tiyago, ug kapin pa sa kahibulong nila sa kaanyag sa dalaga, nahitingala upod sila sa pagkabalhin sa batasan ni pari Salvi.—Kadaghan kami makamatngon nga ang pari malingaw samtang siya magamisa; dili na kaayo makigsulti kanamb ug dayag uyamut nga misamot ang iyang kaniwang ug kahilumon,—nagkanayon ang mga suki ni pari Salvi sa kumpisalan. Ang manlulutb nakaalinggat usab nga ang pari nagahigos ug nagamulb siya nga dili magpaningaon sa mga sud-an nga iyang idulot. Apan ang labi gayung nakapasibut sa libak sa mga tawo mao nga himatngonan nila nga inigkagabii makita ang pipila ka suga sa kombinto samtang si pari Salvi mamisita sa usa ka balay... jsa balay ni Maria Clara! Ang mga biyata mag-iyahay lamag panguros apan mopadayon paglibak.
Sukad sa kaulohan sa lalawigan si Juan Crisostomo Ibarra mipadalag hatud-kawat naghatag ug katahuran kang iya Isabel ug sa iyang pag-umangkon, apan wala niya iasoy ang hinungdan sa iyang hinanaling paghalin didto sa lungsod sa San Diego. Daghang nanagtuo nga siya gibilanggb tungud sa iyang gibuhat kang pari Salvi niadtong hapon sa pangilin sa Todor lor Santor.
