mo ang tanán nga imong gipamulong karón, kun dayon mosumbong akó sa Kapitán Henerál.
—Oo, ¡lakáw karón dayon, lakáw! — mitubág si parì Dàmaso ug gilayón miduol sa tenyente nga nangumò. —¿Gipakaingon mo nga tungud kay ako nagsotana walay . . . ? ¡Lakáw . . . pahulamon ko pa ikaw sa akong salakyanan!
Ang lalis sa duroha daw nahimb na untang kataw-anan, maayo ngani kay misalmot si pari Sibyla.
—Mga ginoo, ayaw ninyo paglahugaya ang mga butang inyong gilantugian ug ayaw kasuk-i and dili angay kasuk-an —matud niya nianang paningog nga pinaagi sa ilong ug maugdang uyamut nga moangay kaayo sa mga prayle. — Sa mga pulong ni pari Damaso kinahanglan gahinon ta ang kaugalingon sa iyang pagka-tawo ug ang kaugalingon sa iyang pagka-pari. Kadtong mga pulong kaugalingon sa iyang pagka-pari dili gayud makasuko, sanglit gikan man sa kamatuorang bug-os nga mao si Bathala. Kadtong kaugalingon sa iyang pagka-tawo angay han-ayon ta usab pag-ayo: ang iyang gipamulong ab irato, sa ato pa, diha sa iyang kasuko; ang iyang gipamulong ex ore, sa baba lamang, dili gikan sa kasingkasing; ug kadtong iyang gipamulong in corde, gikan sa kasingkasing. Kining ulahi mao day makasuko, apan sumala usab sa higayon: kon daan nang miturok sa iyang kaisipan tungud sa bisan unsang hinungdan, kun mitunghil ba lamang per accident, sa ato pa, wala palandunga, diha sa kainit sa panaglantugi, kon aduna. . .
—¡Apan ako, per accident y por mi, nasayud kaayo sa mga hinungdan niana, pari Sibyla! — misagbat ang tenyente nga nalibog na ang ulo sa labihang likwad-likwad ni pari Sibyla ug nahadlok nga mao na hinuon unyay pat-ulan sa tanan. — Ako nasa yud sa mga hinungdan nga asuyon ko karon ug pasulayan ko pagpahan-ay kanimo. Usa ka panahon niana nga si pari Damaso mibiyag kadiyot sa lungsod sa San Diego, gipalubong sa iyang kuwadhutor ang lawas nga patay sa usa ka tawo nga buotan uyamut ... Oo, buotan uyamut, hinasii ko siya kaayo kay didto man ako moabut sa iyang balay. Dili hinuon kadto siya mokompisal. apan dunsa may naa nian&? Ako bitaw usab dili man mangompisal; apan bakak ug butangbutang lamang ang pag-ingon nga kadtong tawhana naghikog. Usa ka tawo nga, sama kaniya, adunay anak nga natingban sa iyang gugma ug mga damgo, usa ka
