—Apan ¿hain ugod ang tagbalay, G. Laruja? — nangutana
ang batan-ong bulagawg buhok — Ako wala pa baya ikapaila kaniya.
—Giingon nga milakaw kono; ako usab wala makakita kaniya.
—Dinhi walay kinahanglan kanang popaila — misagbat si pari Damaso. — Si Santiago maayo kaayong tawo.
—Usa ka tawo nga dili maoy nakamugni sa polbora— misumpay si Laruja.
—¡Ikaw usab kini G. Laruja! —matud pa ni Donya Victorina sa usa ka sinultihang paraygon, ug unyi namaypay. — ¿Unsaon intawon pagmugna ni Kapitan Tiyago sa polbora nga, matud pa, gimugna na man kana sa mga Insik pila na ka gatus ka tuig karon?
—¿Sa mga Insik?...¿Nabuang ka?—pulong pa ni pari Damaso.— ¡Saba ngani diha! ¡Ang polbora gimugna sa usa ka paring francicano sama kanakb, nga ginganlan si... ambut kinsa kadtoy ngalan... pari Savalls diay, kaniadto sa ikapito ka gatsa saw!
—¡Usa ka francicano!... Aw, tingali kadto si pari Savalls nahimong misiyonero didto sa Tsina — mitubag si Donya Victorina nga maoy babayeng dili gayud pautang ug sulti.
—Schwartz dagway ang buut mo unta iingon, Donya Victorina,— matud ni pari Sibyla nga wala lamang motan-aw.
—Ambut lamang, kay si pari Damaso miingon man ugod nga Savalls: ako igo lamang misunod kaniya.
—¿Kay maunsa man ugod kon nganlan siyag Savalls kun Chevas? ¡Tungiid niana dili siya mahimong Insik!—mitubag si pari Damaso nga naglagot.
—Ug kana nahitabo kaniadto sa ikanapulog-upat ka gatusan, dili sa ikapito — mipadayon si pari Sibyla nga daw nagbuyag aron pagpalagot kang pari Damaso.
—Bisan pa. Molabaw kun mokulang ug usa ka gatusan, tungud niana dili usab siya mahimong dominico.
—¡Ayaw lamang kasuko, pari Damaso! — matud ni pari Sibyla nga mipahiyum. —Maayo ngani hinuon nga gimugnii nang daan ni pari Savalls ang polbora, kay kamong iyang mga kauban wala na mabudlay.
