nang alaut nga magtutudlb nga wala duyogi sa iyang mga panlimbasug, sama sa usa ka batang walay buot nga nagapugas ug maayong binhi ug sa katapusan mao day naani ang mga biaybiay ug mga katawa. Tuhoan ko ang imong giingon nga ikaw isip nga langyaw sa imong kaugalingong yutang-natawhan. Sukad sa unang adlaw sa imong pag-abut dinhi gisugdan mo pagpalagot ang usa ka pari nga gipakasantos sa mga tawo ug giisip nga makinaadmanon sa iyang mga kauban. jHinaut pa unta nga dili itugot ni BathaUl nga kining imong unang lakang mahimong kaulangan sa imong kaugmaon! Ayaw pagtuo nga tungud kay ang mga dominico ug mga agustino nanagtamay sa mga franciscano ug kay ang makinaadmanong dominico nga si Santo Tomas nagaasoy nga si Papa Inocencio III miingon nga ang mga tulumanon sa kapunongan sa mga paring franciscano labing magapulos alang sa mga baboy kay alang sa mga tawo, ayaw pagtuo nga tungud niini silang tanan dill managkauyon sa giingon sa usa ka pari nga procurador: “Ang uldog nga labing walay dapat makagagahum pa kay sa Gobierno bisan kini adunay mga sundalo.” Cave ne cadas! (1) Ang salapi makagagahum baya kaayo; ang baka nga bulawan kadaghan na mopuli kang Bathal^ sa mga alampoanan kaniadto pa sa panahon ni Moises.
—Wala ako kawad-i sa paglaum ug gihunahunli ko nga ang pagpuyd dinhi sa akong yutang-natawhan dill kaayo malisud— mitubag nga nagpahiyum si Ibarra. —Nagatuo ako nga kanang imong kahadlok milabaw sa kasarangan ug milaum ako nga makatuman sa tanan kong gihun^hun^ ug dili makakaplag mga kaulangan dihang dapita.
—Oo, kon ikaw tabangan; apan dili, kon ikaw ilang talikdan. Ang tanan mong mga panlimbasug makawang lamang sa usa ka pulong, sa usa ka kidhat sa prayle; sa bisan unsang pasangil hikawan ikaw ugma sa Alkalde niadtong butang iya nang gitugot karon kanimo; walay inahan nga mopatunghii sa iyang anak, ug sa ingon niana ang imong mga kahagb, inay makaayo, makadaut hinuon, kay makaluya man sa hunahuna niadtong buut unta magahimo mga buhat nga makaayo sa kadaghanan.
—Bisan pa nianang tanan — mitubag ang batan-on—, dili ako
(1) — Pagbantay nga dili ka mahulog. — P. sa Taghubfid.
