makatuo nianang kagahúm ang imong giingón, ug ngani pa,kon tuhoan ta kana, ania gayúd sa akong tupád ang lungsod nga mabuot, ang Kagamhanan nga adunay mga maayong tinguhula, dagkung mga butang gihunahuna ug buút gayud sa kaayohan sa Pilipinas.
—|Ang Kagamhanan| |Ang Kagamhanan|—nagkanayon ang pilosopo nga miyahat sa atop.—Bisan naninguha siya nga ang Pilipinas makakab-ut ug kauswagan alang sa iyang kaugalingong kaayohan ug alang sa kaayohan sa Espanya, bisan ang mga maayong tinguha sa mga Reyes Catolicos pagahinumduman usahay sa pipila ka mga punoang Katsila ug pagaasoy-asuyon nila sulod sa ilang hunahuna, ang Kagamhanan walay makita, walay madungog, walay kahukman nga laing butang kon dili kadto dang ipakita, ipabati ug pahukman kaniya sa kura kun sa labawng punoan sa mga prayle nga ginatawag provincial; ang Kagamhanan nagatuo nga ang iyang kagahum anaa magasukad sa mga prayle; nga kon siya wala mapukan, kana tungud kay gisagakay man nila; nga kon siya buhi gihapon, kana tungud kay gitugotan siya nila nga mabuhi; ug nga sa adlaw nga talikdan sa mga prayle, siya matikyaob sama sa usa ka pahoy nga kawadan sa sandiganan. Ang Kagamhanan hadlukon sa mga prayle nga paalsahon ang lungsod, ug ang lungsod hadlukon usab sa mga sundalo sa Kagamhanan: ug dinhi makita ang sabug mahitabd sa mga tawong hadlokan nga moduaw niadtong mga dapit nga mamingaw ug masulub-on: mangahadlok sila sa ilang kaugalingong anino ug sa lanog sa ilang kaugalingong tingog. Samtang ang Kagamhanan dili makigsandurot ug dili makigsabut sa lungsod, gawongan gihapon siya sa mga prayle ug magakurog siya sa ilang atubangan, sama nianang mga batan-ong wala pa tugkig kabuot nga magpakilimus ug kaluoy sa nagamatutd kanila. Ang Kagamhanan wala mangandoy ug maayong kaugmaon, maduay usa lamang ka bukton: ang ulo mao ang kombinto; ug tungud niining iyang pagpasagad lamang ug pagnunot bisan asa guyora sa prayle, nahimo siyahg anino, nawad-an sa iyang kaugalingong bill ug gipiyal na lamang niya ang tanan sa mga kamot sa mga tawong sinuholan. Kon ikaw dili motuo niini, itangdi ang paagi sa atong pamunoan sa paagi sa pamunoan sa mga lungsod nga imong natala ..
— 209—.
