—¡Oh! kanang imong gipangayo labaw na usab sa kasarangan—mipakgang si Ibarra;—ikalipay ta ang pagtan-aw nga ang
atong lungsod wala magamulo ug wala magaantus sama sa uban,
ug kana salamat sa atong Tinuhoan ug sa kaayo sa atong mga
punoan.
—Ang lungsod wala magamulb kay wala may tingog, wala molihok kay nahinanok man pag-ayo, ug miingon ikaw nga wala mag-antus kay walii ka man makakita sa iyang kasingkasing nga nagatabisay sa dugo. Apan may adlaw da ugaling nga makita ug madungog mo ang tanan, ug kon kanang adlawa moabut na, ¡Alaut kadtong nanaghuput ug kagahum nga pinasikad sa kaburong ug kamatuhotuhuon! ¡Alaut kadtong nanaglipay gumikan sa panlimbong ug nanagtukaw sa kagabhion gipakaingon nila nga ang tanan nangatulog lamang! Kon ang kahayag sa Adlaw mcdan-ag na ngani sa mga buhat nga ginahikay sa tago, moabut da ang makalilisang panahon sa pagmata sa lungsod: kanang daghang mga kusog nga sa hataas panahon gipugngan, kanang daghang hilo nga naitus ug ginatigum sa ta gidyot, kanang mga panghupaw nga ginaguom lamang ilalum sa mga dughan, kanang tanan mobuto da ugaling... Ug unya kon moabut na kanang panahona, dKinsa may mobayad nianang mga utang nga usahay paninglon sa mga lungsod sumala sa ginasaysay sa duguong mga panid sa Kaagi sa kalibutan?
—¡Si Bathaha, ang Kagamhanan ug ang atong Tinuhoan dili gayud motugot nga moabut kanato kanang adlawa! —mitubag si Crisostomo nga sa wala tuyoa sa buot nahinuklog.— Ang Pilipinas nagamahal sa iyang tinuhoan ug nahagugma sa Espanya; moabut da ang adlaw nga ang Pilipinas masayud sa tanang kaayohan nga nahimo sa Espanya alang kaniya. Oo, adunay mga buhat nga hiwi, adunay mga sayop, dili ako molalis niana; apan ang Espanya nanlimbasug sa pag-usab sa mga paagi sa pamunoan aron matul-id ang mga buhat nga baliko, nagahimo siya mga mantamantli alang sa kaayohan sa Pilipinas, dili siya igihan.
—Nasayud ako niana, ug mao kanay labing nakadaut. Ang pag-usab sa mga paagi nga gikan didto sa itaas mangahanaw lamang inig-abut dinhi, salamat sa mga kahilayan sa tanan;
pananglitan, sa labihang paninguhii nga madato sulod sa hamubong panahon, ug ingon man sa kaburong sa lungsod nga motu-
