pagtug-an sa iyang ngalan, ug ang mga ginoo nga anaa sa pundok manubag ug manug-an usab sa ilang mga ngalan. Tugoti
ako ninyo nga gawion ko karon dinhi kining batasana, dili aron
pagdala nganhi mga batasan sa laing dapit, kay ang atoa maayo
man usab kaayo, kon dill tungud lamang kay napugos ako. Human
na ako moyukbb sa langit ug sa mga dalaga sa akong YutangNatawhan: karon mohatag na usab akog katahuran sa akong mga
katagilungsod. Mga ginoo, jang ngalan ko ma6 si Juan Crisostomo Ibarra ug Magsalin!
Ang tanan nga didto niadtong pundoka nanug-an sa ilang mga ngalan.
—¡Ang ngalan ko mao si A—a!—matud sa usa ka batanon nga lugos lamang miyukbb.
—¿Mao ba ikaw ang magbabalak nga misulat niadtong mga balak nga nakapabag-o kanunay sa kasibut sa akong pagbati alang sa Yutang-Natawhan? Gisuginlan ako nga ikaw wala na magpadayon pagsulat, ambut unsay hinungdan.
—¿Ang hinungdan? Tungud kay dili maayong gawion ang lamdag aron magbakak ug magpakaulaw. Gitaral ang usa ka tawo sa mga hukmanan tungud lamang sa pagsulat usa ka balak diin iyang giasoy ang usa ka butang hibaloan na sa tanan. Ginganlan akog magbabalak, apan dill ako kanganlag buang.
—¿lkatug-an ba nimo unsa kanang butang giasoy niadtong magbabalak?
—Miingon siya nga ang liyon maoy usa ka mananap nga anak ra usa usab ka liyon; ug tungud niana diriyot siya hinginli sa iyang lungsod.
Ug ang batan-on mibulag sa pundok.
Miabut ang usa ka tawo nga naglagsik pag-ayo, ngaya ang nawong ug nagasul-ob sininang inasintosan ug binutonisan ug mga brilyante sa dughan. Miduol kang Ibarra ug human niya pig-ita ang kamot niini, miingon:
—G. Ibarra, buut ako makig-ilaila kanimo; si Kapitan Tiyago higala ko kaayo ug nakaila usab ako sa imong amahan . . . Ako si Kapitan Tinong, atua magapuyo sa Tondo diin aduna ikaw ing balay; magpaabut ako nga imong duawon sa amo adto kita ugma maniudto.
