- Taudtaod si pari Damaso nakatingog na ug miingon:
—¡Wala ikaw masayop! Apan ang imong amahan ug ako wala gayud magkasandurot.
Puno sa kahibulong, gihinay pagsibug ni Ibarra ang kamdt nga iyang gitunol kang pari Damaso, ug unya sa paglingi niya, iyang nakiti ang mabug-at nga panagway sa tcnyente kinsa nagapadayon pagpaniid kaniya.
—Batan-on, ¿ikaw ba ang anak ni Rafael Ibarra?
Ang batan-on miyukbo.
Si pari Damaso mihana pagtindog sa iyang gilingkoran ug mitutok pagtan-aw sa tenyente.
—Maayong pag abut, ug jhinaut unta nga dinhi mabulahan ka labaw sa imong amahan! — misulti ang tenyente sa tingog nga nagakurog.— Kaila ug hinasa ko kadtong imong amahan ug makaingon ako nga siya maoy usa sa mga tawo nga labing buotan ug dungganan dinhi sa Pilipinas.
—Ginoo,—mitubag si Ibarra nga nahinuklog — kanang imong pagdalayeg sa akong amahan nakapala sa akong katahap mahitungud sa iyang gisangputan nga wala ko pa hibaloi.
Milagok ang luha sa mga mata sa tigulang, nga mitalikod ug dayong milakaw.
Si Ibarra nag-usara na lamang didto: si Kapitan Tiyagb wala na patim-aw, ug ang batan-on wala gayud makakitag higala nga makapaila kaniya sa mga dalaga nga nagsamot ug tan-aw. Human siya magduhaduhag kadiyot, miduol sa mga dalaga, dala ang pamayhon nga mabihagon ug dili tinon-an.
—Tugoti ako ninyo nga iwakli kog makadiyot ang mga sumbanan sa maayong pamatasan nga gawion sa mga higayon nga sama niini. Pito na ka tuig sukad sa paghalin ko dinhi sa atb, ug sa pagpauli ko karon katungdanan nakb ang paghatag ug katahuran sa labing bililhon nga dayandayan sa akong Yutang-Natawhan, nga mad kamong mga babaye. Sanglit sa mga dalaga wala may usa nga mitubag, ang batan-on milakaw na lamang ug mipadulong sa pundok sa mga lalaki nga, sa pagkakita kaniya, mialirong dayon.
—Mga ginoo, — matud niya — nabatasan didto sa Alemanya nga kon usa ka tawo modugok sa usa ka tigum diin wala siya hiilhi ug walay makapaila kaniya, mangako lamang pagpaila ug
