- Cada uno habla de la feria
- corno le va en ella.¹
Sanglit wala may nahitabong butang hinungdanon alang sa mga tawo nga nanghiapfl niining sugilanon, ni sa bisperas sa gabii ni sa sunod adlaw, buut na lamang unta kami molaktaw ngadto sa katapusan kon wala pa maghunahuna nga dagway adunay magbabasang langyaw nga buut masayud unsaon pagsaulog sa mga Pilipinhon ang ilang mga pangilin. Alang niini hularon namo, sa walay kapin ug walay kulang, ang pito ka sulat, usa kanila mao ang sa tinugyanan sa usa ka maligdong ug tinamud nga mantalaan sa Manila, talahuron tungud sa iyang kaugdang ug sa maayong sinulatan sa iyang mga magsusulat. Ang among mga magbabasa mao na lamang ing mahibalo nga motul-id sa gagmay ug dili kahibulongang mga sayop.
Ang tinugyanan sa hamiling mantalaan misulat niining mosunod:
“G. Pangulo...
“Tinamud kong higala: Wala pa gayud ako makatambong, ni moiaum nga makatambong pag-usab sa usa ka lalawigan. sa usa ka balaanong pangilin nga masadya, nagtuasik ang mga tagana ug mahinuklugon sama sa gisaulog niining lungsora sa talahuron uyamut ug buotang mga paring pransiskano.
“Daghan kaayo ang mga tawong nanambong: sa dakung kahinangop gikakitJi ko diri ang hapit tanang mga Katsila nga nanagpuyo niining lalawigan, ang tutulo ka mga RR. PP. Agustinos sa lalawigan sa Batangas, ang duruha ka mga RR. PP. Dominicos usa kanila mao si M. R. P. Fr. Hernando de la Sibyla, kansang pagtambong makapasidungog kaayo sa lungsod,
(1) Tagsatagsa maghisgot sa taboan sumala sa nahitabo kaniya didto.
