gang, mosuki ug mosinta, ug kining talan-awona, bisan wala mahimutang sa tulumanon sa pangilin, dill pabayran ug ma- kalingaw uyamut.
Ang Hermano mayor nga nahitudlb niining adlawa misugo sa iyang mga binatonan sa pagpangita sa kadalanan ug mga tawo nga adto pakan-a sa iyang balay, sama niadtong kombira nga gihisgotan sa Evangelio. Pinugsanay ang pagdapit, hapit lugson ang dinapit, pinaagi sa kusog, sa pagpahigop ug sikwati, kape kun tsa ug pagpakaon sa mga matam-is, ubp. Sabug igakita nga ang usa ka pagdapit mahimong away.
Hapit na sugdan ang misa mayor, kanang ginatawag misa de dalmatica, sama sa kagahapon nga gihisgotan sa tinugyanan sa mantalaan, mao day nakalain kay karon ang magamisa mao si pari Salvi ug tipon sa mga tawo nga manimba makita ang Alkalde sa lalawigan uban sa daghang mga Katsila ug mga tawong maalam aron pagpamati kang pari Damaso nga nabantug sa tibuok lalawigan. Ang maong Alferez, bisan mitagam na sa mga wali ni pari Salvi, misimba aron pagpakitk sa iyang maayong kabubut-on ug sa pagpanimalus, kon ugaling mahimo man, sa mga binuang gibuhat kaniya sa kura. Labihan ang kabantug ni pari. Damaso kay ang tinugyanan sa mantalaan nagpasiuna pagsulat sa iyang pangulo niining mosunod:
“Sumala sa gipahibalo ko kanimo sa akong sulat kagahapon, mao gayud ang nahitabo. Nakabatdn kami talagsaong kalipay sa pagpamati kang M. R. P. Fr. Damaso Verdolagas, karaang kura ning lungsora, nga gibalhin na karon sa usa ka lungsod nga la- bing daku agig ganti sa iyang mga maayong buhat. Ang bantu- gan nga magwawali misaka sa pulpito ug mipabati sa kadaghanan usa ka wali nga matahum ug halawom uyarnut nga nakapahi- nuklog ug nakapahibulong sa tanang mga kristiyanos nga na- nagpaabut nga sa iyang mga ngabil motubod ang makaayong tu- big sa kinabuhing dayon. Mga halaglum ug talagsaong buna huna, mga sulti nga wala pa mabati, matahum -nga paagi sa pagbalay sa mga hunahuna, nga iyang gipahayag, mga panlihok nga dili tinon-an, mga hunahuna nga maanindot, mao kana ang mga hiyas sa Bossuet1 ng Katsila, nga may katarungan uyarnut nga nabantug dili lamang kay sa mga maalam Katsila
(1) Obispong katoliko nga Pransiyanhon nga nabantug tupgud sa kaayong mowali. — Pahamatngon sa Taghubad.
— 246 —
