—Ugma isugnod na usab nimo sa kalayb kanang imong sungkod aron ikaw madangdang sa kainit sa maong daub sa panahon nga ang matugnaw nga panuigon sa kinabuhi modangat na kanimo> ug unya patudlo ikaw nga “ministro” — misumpay si pari Sibyla.
—Psh! . . . ambut lamang kaha . . . Ang pagka “ministro” dili gayud maoy katungdanan nga akong gipaninguha, kay bisan kinsang dagsa makahupot man nianang katungdanana. Ang akong gitinguha ug ginadamgo mao ang usa ka mahayahay nga balay sa Amihanan sa Madrid nga takus kapailin-ilinan sa panahon sa ting-init, usa ka daku ug matahum nga balay sa siyudad ug balay ug yuta sa Andalucia alang sa panahon sa tingtugnaw... Magapuyo kami didto nga kanunay magahandum sa among hinigugmang Pilipinas . . . Kanako dili gayud makaingon si Voltaire: Nou riavon jamai etc chez ce peupie que pour nou y enrichir et pour le calomnier.
Pakaingon sa mga kawani nga ang Alkalde misulti ug kataw-anan ug nangatawa sila aron pagpasabut nga nanghimuot sa mga sulti sa ilang punoan; ang mga prayle nanig-ingon usab pagpangatawa, kay wala man sila mangasayud nga ang Voltaire nga gihisgotan sa Alkalde mao ang Voltaire nga makadaghan na nila tungloa ug ihulog sa sulad. Apan si pari Sibyla nasayud niini ug busa nagmug-ot siya, gibanabana niya nga ang gipamulong sa Alkalde maoy usa ka “herejia” kun panamastamas sa atong Tinuhoan.
Sa usa ka kiyosko didto mangaon ang mga bata pinagulohan sa ilang magtutudlo. Daw dili sila mga batang Pilipinhon tungud sa labihan nila kabanha, kay ang masabug natong makita mab nga sa kan-anan ug sa atubangan sa laing mga tawo mga hilumon ug manggiulawon man sila. Kon usa kanila masayop paggawi sa “Cubiertos” badlungbn dayon sa iyang katupad; dinhi mahitabo dayon ang panaglalis ug ang tagsatagsa kanila makakita usab ug mga dumadapig: adunay moingon nga ang kutsara maoy angay gawibn, aduna usab ing moingon nga ang tenedor kun kutsilyo, ug sanglit wala man silay giila nga may katungod sa paghukbm sa ilang gilantugian. mao nga managsaba ug managyagaw lamang.
