Kadtong batan-ong taga-Manila nga wala makasabut sa wall ni pari' Damaso. misulod sa hawanan nga naluspad ug nagapanguróg.
Ang tanan nanghingangha: dagway nasuko kaayo ang Kapitán Heneral kay gipahulat man ang mga prayle. Si Pari Sibyla miingon:
Wala man usab akoy isulti kaniya... Dinhi nag-usik lamang ako sa panahon!
—Maóy ako— misumpay ang usa ka paring agustino;— mamauli na kita?
—Dili ba kahii maayo nga susihon nato kon unsay iyang hunahuna?—nangutana si pari Salvi;— mahalikay kita sa iskandalo... ug... ikapahanumdom ta kaniya... ang iyang mga katungdanan alang... sa Tinuhoan...
—Makahimo na kamo pagsulod kon mahagugma!— matud sa luyo-luyo nga mikuyog sa batan-ong wala makasabut sa wali sa kura ug migula karon nga malipayon na ang nawong. Si pari Sibyla maoy miuna pagsulod; misunod si pari Salvi. si pari Manuel Martin ug ang ubang mga pari. Nangyukbo sila sa dakung pagpaubus, gawas kang pari Sibyla, kinsa, bisan miyukbo, sa iyang panagway nagpaila nga siya labaw. Si pari Salvi hinuon miyukbo pag-ayo hangtud nga ang iyang hawak diriyot mabali.
—Kinsa kaninyo ang ginganlan si pari Damaso?— nangutana gilayon ang Kapitan Hencral, walik lamang ngani sila palingkora ni pangomustaha ug wala usab pabatia nianang naandan nilang mga sulti nga magdala ug mga ulog-ulog.
—Si pari Damaso, ginoo, wala karon mahiuban kanamo— mitubag si pari Sibyla sa sinultihan nga uga, maagid-agid sa sinultihan sa Kapitan Hencral.
—Nagahigda karon sa banig kay masakiton ang suluguon sa Kapitan Heneral— misumpay nga mapaubsanon uyamut si pari Salvi;— human kami makabaton ug kalipay sa pagyukbb ug pagpangomusta sa Kapitan Hencral, sumala sa angay himuon sa tanang mga maayong suluguon sa Hari ug sa mga tawo nga adunay maayong pamatasan, mianhi usab kami sa ngalan sa matinahuron nga suluguon sa Kapitan Heneral nga giabut ug kadaut...
