Sa pagkagabii, diha nga dinagkutan na ang tanang mga parol sa mga tamboanan, migula sa makaupat na ang pasunding, dinuyogan sa repike sa mga lingganay ug sa mga butobuto sa mga luthang.
Ang Kapitan Heneral, nga misuroy sa kadalanan nga nagalakat lamang kuyog sa iyang luyo-luyo, ni Kapitan Tiyago. sa Alkalde, sa “Alferez” ug ni Ibarra, walay labut sa mga sibil ug sa mga dagkung-tawo lungsod nga nanag-una aron pagpaiway sa mga tawo ug paghawan sa dalan, ang maong Kapitan Heneral gidapit sa pagtan-aw sa pasunding sa balay sa “Gobcrnadorcillo” nga nagpatindog usa ka intablado sa atbang aron sukad didto ipamulong ang mga “loa” pinasidungog sa Santo Patron.
Si Ibarra dili na lamang unta buut mamati sa “loa” ug palabihon unta niya pagtan-aw sa pasunding didto sa balay ni Kapitan Tiyago diin napabilin si Maria Clara uban sa iyang mga higala, ugaling kay ang Kapitan Heneral buut man gayud mamati sa “loa” ug wala siyay laing gipuypoy sa iyang kaguol kon dili ang paghunahuna na lamang nga unya managkita sila ug si Maria Clara didto sa tiyatro.
Nanag-una sa pasunding ang mga siriyalis nga salapi dinala sa tulo ka sakristan nga pulos nanagtaud ug mga guwantis sa ilang mga kamut; misunod ang laray sa mga tinon-an sa tulonghaan inubanan sa ilang magtutudlo; human niini, ang mga bata nga nanagbitbit ug mga parol nga papel sa nagkalainlain nga bulok ug panagway, nga gipanaud sa tumoy sa mga lipak nga wala managtupong ang gitas-bn ug dinayandayan^n sumala sa hihunahunaan sa tagsatagsa ka bata, sanglit kining mga sugaa kaugalingon man sa kabataan sa mga balangay. Sa dakung kalipay managtuman sila mining katungdanan nga gipahamtang kanila sa tigulang sa balangay; ang tagsatagsii iyahag hunahuna
