kanimo ang imong pagtuo, ni ang pagsakit mo sa imong kaugalingon, ni ang pagpakamatay mo tungud sa kamatuoran ug sa imong mga gituhoan. Kanang tanan hikalimtan lamang sa mga tawo kon ikaw walay laing hiyas gawas sa imong kaugalingong mga pahanungdan! Maayo pa nga magabirís-birís pagwali sa mga simbahan kay sa magawali ug maayong pagkawali didto sa kamingawan: mao kining butanga ang hikat-onan mo karon dinhi sa Pilipinas. Kon, ináy sa mga dulon, pabo pa unta ang imong gikaón; kon, inay sa panit sa mga mananap, sida pa unta ang gigawi móng saput; kon ikáw mipasakop pa unta sa usa kà Kapunongan...
Apan gihunong sa tigulang ang iyang pakigsulti kang San Juan Bautista kay miabut na man usab si San Francisco.
—Daan pa lagi akol— mipadayon pagsulti ang pilosopo nga mipahiyum, nianang pahiyum nga mabiaybiayon; kining santosà gitungtong ug "carro", ug, Ginoo ko, pagkatahum nga karroha! Pagkadaghang suga ug mga parol nga bildo! Sulod sa tibuok mong kinabuhi wala ikaw libuti ug daghang mga sugà, Giovanni Bernardone! Ug pastilan nga musikahal Lain nang mga honi ang gipabati sa imong mga anak human ikaw mamatay! Apan, talahuron ug mapaubsanon nga magtutukod, kon ików mabanhaw karon, wala kay laing makita kon dili mga Eliases de Cortona mga mangíl-ad na, ug kon hiilhan ka sa imong mga anak bilangguón ka nilà ug kaha makaambit kà sa palad ni Cesario de Speyerl
Sa likod sa banda sa musika nagasunod ang usa ka estandarte diin gipintal ang larawan sa maóng santos apan may pitó ka pako; kining estandarte gibitbit sa mga "Hermanos Terceros" nga nanagsul-ob mga saput nga ginggon ug nangadye sa hataas ug mamingaw nga tingog.— Wala lamang hisayre unsay hinungdan, nahitungha si Santa María Magdalena, matahumu yamut nga larawan, malabong ug buhok, nagabitbit panyo nga pinya, naputós sa singsing ang mga tudlò ug nagasul-ob mga saput nga pulós sida nga dinayandayanan mga binákbák nga bulawan. Gilibutan siya sa mga sugá ug mga asò sa insiyenso; sa iyang mga luha nga bildo midan-ag ang mga bulok sa mga suga sa Bengala, mga suga nga nakahimó sa pasunding nga usa ka talan-awong kahibulongan, busa ang luha sa Santa nga makasasala usahay malunhaw, usahay usáb mapula ug usahay matagu-
