kít-matud ni Donya Victorina nga nasubo ug tinuod, ug unya miatubang kang Linares ug miingon:
-Nakadungóg ka, primo? Dinhi niini magalingkod ang kapitan Henerall. Nakita mo na karón kon may katarungan ba si D. Espadaña sa pag-ingón kanimo nga dili ka moadto sa balay sa usa ka alaut nga indio? Kay ikaw, Don Santiago, dag- way nasayud na nga kining among ig-agaw didto sa Madrid higala siya sa mga ministro ug mga duque ug magkan-anán sa balay ni Con del Campario.
-Ni "Duque de la Torre", Victorina, gibadlong siya sa iyang bana.
-Magsama da kana! Ako na hinuón ang imong kun- hon?...
-Igakita ko ba kaha si pari Dámaso sa iyang lungsod ?- mipakgang si Linares nga miatubang kang pari Salví;- matud pa haduol da kono dinhi.
-Maayong paghiatól kay karon ania siya ug dili madugay moanhi dinhi-mitubag ang kura.
-Dili tiaw ang akong kalipay! Aduna akoy dalang sulát alang kaniya matud sa batan-on-, ug kon wala pa kining. bulahang higayon nga nakapaanhi kanako dinhi, moanhi gayúd unta ako pagtuyo aron lamang pagduaw kaniya.
Samtang nagapadayon ang sultisulti, ang "bulahang higayon" nga giingon ni Linares nagmatá na.
-De Espadaña, - miingon si Donya Victorina sa pagkahu- man na sa pamahaw- adtuon ta ba si Clarita?- Unya miatubang kang Kapitan Tiyago ug misulti: Tungud lamang kanimo, Don Santiago, tungud lamang gayud kanimo! Ang akong bana motambal lamang sa mga tawong hamili, ug ngani pal Ang akong bana dili sama sa mga mananambal nga tagadinhi... Didto sa Madrid mao day iyang duawon ang mga tawong ha- mili.
Nanulod sila sa lawak sa masakiton.
Ang lawák hapit tikyopán sa kangiub, ang mga tamboanan pulós tinákpan tungud sa kahadlok nga mosulod ang hangin, ug ang diyutayng sugà nga nagaiwág didto nagagikan sa duha ka buók kandilang dinagkutan sa atubangan sa usa ka larawan sa Birhen sa Antipolo.
