kalawat kun dili ug tan-awa unya kon dili ba motangdo gayud siya.
Niadtong higayona si Kapitan Tiyago napilit pagtangdb sa tanan nga gisulti sa kura.
Si iya Isabel misulod sa lawak nga gihigdaan sa masakiton.
Si Maria Clara nagahigda gihapon sa banig, maluspad, maluspad uyamut; sa iyang tupad diha ang duha niya ka higala.
—Dungagi paglamoy ug usa ka lugas niari — mihunghong si Sinang nga mitunol sa masakiton usa ka lugas maputi nga iyang kinuha sa usa ka Iuka nga bildo; —miingon siya nga kon mosiyok ngani ang imong dalunggan, hunugon mo ang tambal.
—Wala ba siya mousab pagsulat kanimo? —mihunghong pagpangutana ang masakiton.
—Wala; tingali daghan siya kaayog buhat karon. Wala gayud siyay gitugon nga sulti alang kanakc?
—Mao day iyang giingon nga paninguhaon niya nga pasayluon siya sa Arsobispo sa “excomunion” aron . . , Nahunong ang ilang panagsulti kay miabut man ang iyaan ni Maria Clara.
—Ang pari miingon nga paandamon ikaw, inday, aron mokompisal — matud sa iyaan—; biyai siya ninyo aron makaiksamen.
—Apan wala pa ngani dangtig semana karon sukad sa iyang pagkompisal! —miingon si Sinang. —Ako dili masakiton apan dili masubsob kaayo nga makasala!
—Aba! Wala ba kamo maayud sa giingon sa kura nga ang inatarong kapito makasala sa usa ka adlaw? Na, inday, built ka ba nga dad-on ko nganhi ang Ancora, and Ramillcte kun ang “Camino recto para ir al cielo? Si Maria Clara wala motubag.
—Hala, inday, dili ikaw mabudlay! —mipadayon ang buotang iyaan aron pag-alam-alam sa masakiton; —ako maoy mangunay pagbasa sa examen de conciencia ug ikaw igo lamang maghunahuna aron mahinumdom sa imong mga sala.
—Sulati siya ug ingna nga dili na lamang maghunahuna kanako! —mihunghong si Maria Clara kang Sinang diha nga kini nanamilit kaniya.
—Unsa?
Apan misulod ang iyaan ug si Sinang napilit paglakaw nga wala makasabut sa gisulti kaniya sa iyang higala.
