¡Matuman ang pagbuút mo dinhi
sa yutal
Samtang nangatulog kun namahaw pa ang mga tawong atong gihisgotan sa unahan, hisgotan ta unà si Kapitan Tiyagò. Wala kami niya dapita ni makakaón bisan makausá sa iyang ba- láy, busà walay katarungan nga tamayon ug dilì ta siyá his- gotan dinhi.
Hamubô siyá nga pagkatawo, maitúm ang panit, tigson ang lawas ug malingin ang nawóng. Salamat sa labihan niyang katambok, katambok nga, matud sa iyang nga higala, gikan sa kaluoy sa langit, apán matud sa iyang mga kaaway gikan sa dugô sa mga kabús, si Kapitán Tiyagò batan-on pa nga tan- awon: daw katloán kun katloag-limà ka tuig pa lamang ang iyang kagulangón. Ang nawóng ni Kapitán Tiyagò, nagpailá nga siyá maóy tawo nga walay libog sa ulo niadtong panahona. Kad- tong iyang ulo nga diyutay ug malingin pinutós sa buhók nga maitúm ug pinatubò dapit sa agtang ug tinupihán dapít sa ting- koy, daghan konó kaayog sulod; ang iyang mga matá nga gag- may apán dili insikon maó gihapon, dili gayud mabalhin ang tinan-awán; ang iyang ilóng diyutay usáb apán dili pislat, ug kon dili pa siyá hinabakò ug himamà kaayo, ang iyang babà walâ untà madaut, ang panagway ug ang iyang nawong wala untâ mahiwì tungúd sa upà sa tilad nga iyang tigumon sa pikas nga limumogán, ug sa ingón nianà kanganlan ta untà siyá ug tawong maayog nawóng. Apán, bisan pa sa iyang pagkahimamà ug pagkahinabakò, ang iyang mga ngipon maputî gihapon, lakip ang gitaud sa dentista nga gibayran niyag tagpulog-duhâ ka pisos ang usá.
Giilá siya nga usá sa mga datò nga nagapuyo sa Binondo ug usá sa mga dagkúng magyuyutà tungúd sa iyang mga kauma-
