diin ikaw karong adlawa aron makita kon kinsa kanamo ang
nakatag-an.
—Dili; kana maoy usa usab ka butang tinagoan, apan hungyon ko lamang ikaw pagsugilon niana, kon ugaling motugot man ang mga ginoo nga ania karon dinhi.
—Oh, mahimo, mahimo kaayo! Dayag na lamang!— miingdn si pari Salvi. Si Crisostomo gidala ni Sinang ngadto sa usa ka tumoy sa sala; ang dalaga nalipay kaayong naghunahuna nga masayud usa ka tinagoan.
—Sultihi ako, higala Sinang: nasuko ba si Maria Clara kanako?
—Ambut lamang, apan magkanayon nga labi untang maayo nga hikalimtan mo na lamang siya, ug unya mohilak. Si Kapitan Tiyago buut nga mamana siya niadtong atuay Katsila; si pari Damaso mao usab, apan siya dili motangdo ni mobalibad. Ganina sa buntag, diha nga siya among gipangutana bahin kanimo ug ako miingon: nangulitawo na ba kaha hinuon kadto sa lain?, iya akong gitubag: hinaut pa untal, ug unya mihilak.
Si Ibarra miligdong.
—Ingna si Maria Clara nga buut ako makig-usara pagpakigsulti kaniya.
—Makig-usara?— nangutana si Sinang nga midiyong ug mitan-aw sa batan-on.
—Aw, dili gayud hingpit nga inusara; apan nga dili magtambong kadto siya.
—Malisud kana: apan pasagdi lamang kay sultihan ko siya.
—Nan, kanus-a man ako masayud sa iyang tubag?
—Ugma; sayb lamang pag-adto sa amo. Si Maria Clara dili gayud pabiya nga usara ug magbanus-banus kami pag-uban kaniya; si Victoria modulog kaniya usa ka gabii ug ako usa usab ka gabii: ugma maoy akong adlawan. Apan, ayaw una, ang tinagoan diay? Molakaw ka lamang ug dili mo ako suginlan sa labing hinungdanon?
Tuod, no? Didto bitaw ako sa lungsod sa Los Banos; atimanon ko pag-ayo ang mga kalubihan kay magtukod ako usa ka pabrika; ang imong amahan apil mining patigayona.
