Igo lamang nahayaghayag, nadungog na sa lungsod ang
balita nga sa gabii may nakita daghang mga suga sa kalubngan.
Ang pangulo sa V. O. T. (Venerable Orden Tercera) nagahisgot ug mga kandilang dinagkutan, ug gisaysay niya ang hitsura ug gidak-on, ug bisan siya wala makatino sa gidaghanon, nakaisip kapin sa kaluhaan. Si Hermana Sipa, sa Cofradia sa Santsimo Rosario, dili makatugot nga mao day mangandak nga nakakith mining katingalahang gihatag ni Bathala ang usa ka sakop sa Hermandad nga kaaway* si Hermana Sipa, bisan wala magapuyo duol sa kalubngan, nakadungog ug mga panghayhay, mga agulo ug hangtud daw naila niya sa tingog ang pila ka tawo nga sa kanhing panahon mga ... apan tungud sa paghigugma sa isigkatawo, dili lamang kay iyang gipasaylo, kon dili giampo pa gayud ug gililong ang ilang mga ngalan, ug tungud niini gituhoan sa tanan nga siya mahimo nang anta dihadiha. Bisan tuod si Hermana Rufa bungol-bungol ug diyutay, dili siya makaantus nga si Hermana Sipa nakadungog sa mga agulo ug siya hinuon wala; busa nagdamgo siya ug mipakita kaniya daghang mga kalag, dili lamang kay sa mga patay da, kon dili usab hangtud ang sa mga buhi; ang mga kalag nga sinakit nangayog pipila ka bu6k sa iyang mga indulgencia nga gipanigum ug gipanglista. Sa mga ngalan sa mga kalag makahimo siya pagtug-an sa mga banay nga hingtungdan ug mao day iyang pangayuon ang usa ka diyutayng limus aron ihinabang sa mga kinahanglan sa Papa.
Usa ka bata nga magbalantay sa hayopan nga nangahas pag-ingon nga usara ka suga ang iyang nakita ug duha ka tawo nga nanagkalo ug mga sarok, lugos lamang nakagawas sa mga bunal ug mga panamastamas. Kawang lamang ang iyang pa-
−
