—Nahibalo ba ikaw ngano nga alang sa Alferez hataas ug tindog si Elias ug alang sa kura kasarangan?— nangutana sa Bisaya ang Tagalog nga naghinuktok.
—Wala.
—Kay ang Alferez nahilubong man sa lunangan sa pagtan-aw niya kang Elias, ug ang kura nagatindog.
—Tuod no?— matud sa Bisaya;— maila gayud nga ikaw maayog ulo... Nganong misulod ka man sa pagkasibil?
—Dili ako sibil sukad sa sinugdan; kanhi nakontrabandista ako— mitubag ang Tagalog nga nagpagawal. Apan lain na usab nga anino nakapatagad kanila; gisinggitan nila dayon sa quien vive? ug gidala sa hayag. Karon, si Elias na gayud maoy hisakpan.
—Asa ka padulong?
—Nagalutos ako, senyor, sa usa ka tawo nga mibunal ug mihulga sa akong igsuon; may ulat siya sa nawong ug ginganlan si Elias...
—Ha?— nagdungan pagsinggit ang duha ka sibil ug nanagtan-away nga nangalisang.
Ug dihadiha dayon nanaglumba sila pagdalagan padulong sa simbahan, diin si Lucas nawala dili pa dugay.
— 443 —
