Page:Noli-Me-Tangere-Cebuano-Visayano-ni-Jose-Rizal-1962-N719c.pdf/46

hang mga larawan sa mga santos nga gitahud ug pagaampoan niya, kay si Kapitán Tiyagò kadapig man sa nagapatuo nga adunay daghang Bathalà, sanglit wala siya makasabút sa tinuhoan sa mga tawo nga nanagwali nga usá da gayúd ing Bathalà. Didto makità ang mga larawan sa Sagrada Familia nga adunay lawas, mga tifl ug mga kamót nga binuhat sa garing, mga matang bildo, tag-as ug pilók ug kulungon ang buhók, tanán pulós binuhat sa balangay sa Santa Cruz. Adunay mga estampa nga binuhat sa mga mamimintal sa Pakò ug Ermita, diín makità ang mga santos nga gisakit, ang mga katingalahan nga nahimò sa Birhen, ubp.; makità didto ang usa ka Santa Lucía nga nagahangád sa langit ug nagabitbit usá ka pinggan nga sinudlan ug duhá ka buók matá nga may mga pilók ug kilay, sama sa makità ta sa mga estampa diín ipintal ang Santísima Trinidad kun sa mga lungón sa mga Ehiptohanon; makità usáb ang mga larawan ni S. Pascual Bailón, S. Antonio de Padua nga nagasul-ob ug sapút nga bughaw ug nagasud-ong kahilakón sa usá ka Niño Jesús nga sinul-oban ug sapút sama sa Kapitán Henerál, nagalukdo ug kalò nga tutuló ing sungay, nagtakín ug sable ug nagasul-ob ug botas sama sa mga batang pasayawon sa sayaw sa mga batà sa Madrid: kiní nagpasabut kang Kapitán Tiyagò nga bisan idugang pa sa gahúm ni Bathalà ang gahúm sa usá ka Kapitán Henerál sa Pilipinas, siyá duladulaan lamang gihapon sa mga paring franciscano sama sa usá ka munyeka. Makità usáb ang usa ka San Antonio Abad nga nagdalág baboy sa iyang tupád, baboy nga alang kang Kapitán Tiyagò makahimò usáb ug mga milagro sama kang San Antonio, ug tungúd niini mahadlok siyá nga mohingalan ug baboy niadtong mananapa ug tawgon lamang niya ang batà-batà ni santo señor San Antonio; usá ka San Francisco de Asís nga may pitó ka buók pakô ug nagasul-ob sapút nga bulok sa kapé, gitungtong ibabaw sa usá ka S. Vicente nga adunay duhá da ka tudlò apán nagabitbit ug kornetín; usá ka San Pedro Mártir kan- sang ulo gibughà sa usa ka talibóng nga gikuptan sa usá ka tawong waláy bunyag nga nagaluhód, ug sa tupád makità ang usá ka S. Pedro nga nag-abís sa dalunggan sa usá ka moros, si Malco dagway kadto, nga nagpamahit sa iyang ngabil ug nag- bulobaliktos sa kasakit samtang ang usa ka manók igbubuláng nga dihâ sa iyang tupád mituktogaok ug nagsamot pamaypay sa

— 39 —