iyang mga pakò. Inigsud-ong ni Kapitán Tiyagò niining santosa,
tingali makahunâhunâ siyá nga ang tawong mamughà ug ang
bughaon magsama da: masantos usáb gihapon. Kinsay makaisip sa
mga larawan ug sa ilang mga pahiyas nga gitapok ni Kapitán
Tiyagò didto niadtong diyutayng lawák? Kon asuyon ang tanán,
dagway dilì sa usá ka paigo bahin niining basahón. Bisan pa
niini, angay dilì ta hikalimtan ang usa ka maanindot nga San
Miguel nga binuhat sa kahoy, masiga sama sa bulawan ug may
usa ka metrong tindog, nanakmol, masigag mga matá, nagadiyong
ug mapulapulág mga aping, nagdalág taming ug ang kamót
nga tuo nagabakyaw ug usa ka krís sa moros, andam sa pagtigbas
sa bisan kinsang moduol aron pag-ampò kaniya ug walâ hinuon
magkabanâ (sumala sa masabút ta sa iyang lihok ug tinan-awán)
sa yawang ikogan ug sungayan nga nagaingkib sa iyang mga
bitiis nga daw sa dalaga. Si Kapitán Tiyagò dilì gayúd moduol
niadtong larawana, mahadlok unsay mahitabo kaniya. ¿Kapid-an
na ba kahâ makità nga ang pipila ka larawan, bisan mangil-ad
pagkabuhat, sama nianang ipamaligyà sa mga pandayan sa Pacte,
daw mabuhi silá aren pagsilot ug pagkutaw sa hunàhunà sa mga
makasasalà nga nawad-an sa pagtuo? Nadugóg nga usá ka Santo
Kristo sa Espanya gigawì nga saksí sa duhá ka nanaghigugmaáy
ug unyà miyangô sa atubangan sa maghuhukom; nadungóg usáb
nga didto gihapong dapita adunay usá ka laing Santo Kristo
nga mitangtang sa krús sa iyang kamót nga túo aron paggakús
kang Santa Lutgarda, apán kanâ dili kahibulongan, kay si Kapitán Tiyagò nakabasá man ug usa ka basahón nga bag-o lamang
nasangyaw diín gisaysay ang usá ka pagwali nga pulós lamang
waldas-waldas nga gihimò sa usá ka larawan ni Santo Domingo
didto sa Soriano. Ang maóng larawan walâ mosulti bisan usá
ka pulong, apán sa iyang mga lihok nasabút sa mga tawong
namati, kun gisabút sa tagbuhát sa basahón, nga nagpahibaló sa
katapusan sa kalibutan. Gisugilon usáb nga mihuboy ang pikas
nga aping sa Birhen sa Luta, lungsod sa Lipa, ug nagkalapok
ang mga sidsid sa iyang sapút. ¿Dilì ba kiní maóy usá ka kamatuoran nga dili malalis nga ang mga larawan dili manglulho sa
ilang sapút kon magsuroysuroy ug hangtud sakitán usáb usahay
sa ngipon, tungúd kahâ sa atong mga salâ nga mabuhat? Wala
ba makakità si Kapitán Tiyagò nga inigwali sa Siete Palabras,
