lihukon ang ulo sa Santo Kristo ug unyà iyangô sa makatulò
ug tungúd niana manghilak ug maniyabaw ang mga babaye ug
ubán pang mga tawong mabination nga gibuhat ni Bathalà arón
mahiagum sa iyang ginharian sa langit? Kami nakakitâ gayúd
nga gipatuod sa atubangan sa kadaghanan sa pari nga miwali sa
paghugos sa Santo Kristo, ang usa ka panyo nga nagkadugò,
ug mohilak na untà kamí sa kahinuklog, ugaling kay ang sakristán misugilon kanamò nga kadto tiawtiaw lamang diáy: kadto
konóng panyoa gitinà sa dugô sa usá ka himungaan nga giasál ug
gisuwâ niadtong adlawa bisan Biyernes Santo... ug ang sakristan
matambok man lagi intawon. Busà, si Kapitán Tiyagò, sanglit
tawo nga mabuot ug mituo gayúd sa mga kamatuoran sa iyang
tinuhoan, magalikáy pagpaduol niadtong krís ni San Miguel.
-¡Likayàn ta ang mga higayon! - pulong pa sa iyang hunà- hunà; -nakailá hinuon akó nga kanâ siyá manulondà sa langit, apán ¡dili gayúd akó mosalig!
Matag-tuig, sa panahón nga maganayán ang mga tawo aróu pagduaw sa Birhen sa Antipolo, si Kapitán Tiyagò moadto usáb dalá ang usa ka orkista, mobayad siya ug duhá niadtong dag- hang mga misas de gracia nga himuon sa mga parì sulod sa tu- tuló ka nobenaryo ug sa mga adlaw nga walay nobenaryo, ug humán niini maligò siyá sa bantugang tubód diín magkaligoán usáb ang larawan sa Birhen. Ang mga matuhotuhuón nanag-ingón nga nakità pa gayúd nila ang tunob sa Birhen ug ang agi sa iyang buhók nga milakra sa pangpang diín iyang gipau-ga humán punlasi, sama sa pagabuhaton sa ubáng mga babaye nga managbubhog lubí, daw diyamante kung puthaw nga bug-at kaayo ang buhók niadtong Birhena. Buút untà namò nga ang mapintas nga larawan mangyabyab sa iyang buhók sa atubangan sa mga matuhotuhuón ug unyà tumban niya ang ilang dilà kun ulo. -Nianang adlawa, didto sa duol sa tuburán, si Kapitán Tiyagò mokaon ug inasál, sinigang nga halwan nga sinaktag mga dahon sa ugabang ug ubán pang mga sud-an nga malami. Upát ka gatús ka pisos ang iyang nahibayad sa duhá ka misa, apán kadto dili mahál kon hunahunaon ang himayà nga nakab-ut sa Birhen tungúd sa mga silít-silít sa mga fuegos artificiales' ug sa mga butóbutó sa mga berso, ug
(1) - Mga kwetis, kastilyo, ubp. nga pagaduslitan sa mga pangilin nga nga dagku, kansang bulok ug panagway nagkalainlain.
