lagmit gamiton sa mga higayon nga sama niadto, ang
nagpaka Andaluza mipadayon pagsulti:
—Mianhi kami aron pagduaw kanimo; naluwas ikaw sa kamatayon salamat sa imong mga higala! — matud niya nga mitan-aw kang Linares?
—Ang akong amahan gitabangan ni Bathala!— mitubag si Maria Clara sa tingog mahinay.
—Oo, Clarita, apan ang panahon sa mga milagro miagi na: kaming mga Katsila adunay sanglitanan nga nagaingon: ayaw pagsalig sa Birhen ug dalagan gayud2
—Na... na... nabalit-ad kana! Si Kapitan Tiyago nga, hangtud niadtong higayona, wala pa mosulti, nangahas pagpangutana ug namati pag-ayo sa tubag:
—Sa ingon diay niana, Donya Victorina, ikaw nagatuo nga ang Birhen...
—Mianhi bitaw kami aron pakigsulti kanimo bahin sa Birhen — mitubag siya nga mikilo ug mitudlo kang Maria Clara;— may pagasultihan kita bahin sa patigayon?
Nakasabut ang dalaga nga siya angay mopahawa didto; nangita siyag pasangil ug milakaw nga namaybay sa mga galami ton.
Labihan da kabastus ug katalamayon sa mga butang gihisgotan niadtong ilang panagsulti, nga dili na lamang namo isugilon. Igo na nga among iingon nga sa panagbulag na nila, silang tanan pulos mga malipayon, ug nga wala madugay si Kapitan Tiyago miingon kang iya Isabel:
—Pasugoi ang fonda nga ugma magkombira kita! Hinayhinaye pagsulti si Maria Clara kay minyuon ta siya karong pila ka adlaw.
Si iya Isabel nalisang mitan-aw kang Kapitan Tiyago.
—Makita da nimo! Kon si Linares maumagad na unya nato, makatilaw na gayud kita pagsaka ug pagkanaug sa tanang mga palasyo; kasinahan unya kita; tingali ang tanan mangamatay sa kasina!
(1) Venimoz a vizitaroz; or habiez zalbao graciaz a veuztraz raladonez.
(2) Zi, Clarita, pero el tiempo e loz milagroz ya ha pazao: nozotroz loz ezpanolez ecitnoz: ezconfia e la Virgeny echato a corre.
(3) Venimoz precizamente a hablar con V. e la Virgen, contesto ella miitarionamonte beñalando a Maria Clara; tanemoz quo hablar a negocioz.
