Niadtong buntaga sayo kaayo nga nanimba si iya Isabel ug si Maria Clara, kinsa nagasul-ob maanindot nga saput ug nagdala usa ka rosaryohan nga gibubod sa iyang bukton, ug ang iyang iyaan nagaantiyohos aron pagbasa sa iyang Ancora de Salvacion samtang magamisa ang pari.
Igò lamang nahuman ang misa, ang dalaga nakigpauli na, sa dakung kahibulong ug kabalaka sa buot sa iyang iyaan nga nagatuo nga ang iyang pag-umangkon mahigugmaon sa pangadye sama sa mga mongha, ug ang tigulang mitindog nga nagbagutbot, human mangurus makadaghan. “Ada, iya Isabel, si Bathali nga labing nakaila kay kanimo sa kasingkasing sa mga dalaga mao day mahibalong mopasaylo kanako”, ingnon unta ni Maria Clara si Isabel aron pagputol sa iyang mga maymay.
Sa pagkahumàn nilag pamahaw, si Maria Clara naglingawlingaw pagbuhat ug usa ka puntil nga diyutay samtang ang iyang iyaan nanilhig sa mga abog ug sagbut nga nanghibilin sa pangilin nga miagi. Si Kapitan Tiyagb nagatamod ug nagautingkay sa pipila ka mga papel.
Usà ka diyutayng saba sa dalan, usa ka salakyanan nga moagi makapakulba na sa dalaga. jNiadtong taknaa buut na lamang unta siya nga mahibalik sa beaterio tipon sa iyang mga higala! Didto dill unta siya abutog kakulba kon motan-aw “kaniya." Apan, d dili ba kamo managhigala man sa gagmay pa ug wala ba kamo managduladula ug hangtud. manag-away-away ngani kanhi? Ang hinungdan niining tanan dili ko na lamang hubiton; kon ikaw nga nagabasa niini mibati ug gugma, makasabut ka, apan, kon wala man ugaling, dili kinahanglan asuyan ko pa ikaw: ang wala batiag gugma dili usab makasabut sa iyang mga kahibulongan.
—Dagway may katarungan, María, ang mananambal — miingon si Kapitan Tiyagb. — Kinahanglan mohalin ka una dinhi sa Manila kay maluspad ikaw kaayo ug nagakinahanglan ma-
