ayong hangin. ¿Mahagugma ka ba sa Malabón... kun sa San
Diego?
Miluspad uyamut ang nawóng ni María Clara sa pagkabatî ning katapusang lungsod nga gihinganlan ni Kapitan Tiyagò, ug walâ makatubag.
—Karón mangadto kamó ug si Isabel sa beaterio aron pag- kuhà sa imong mga sapút ug pagpanamilit sa imong mga higala did to — mipadayon si Kapitán Tiyagò nga walâ lamang motan- aw; — dili na ikaw mobalik pagsulod didto.
Si María Clara mibati nianang kamingaw nga mosantop sa atong kalág inigbiya ta sa usa ka dapít diín kitá mabulahan, apán laing hunàhunà nakapuypoy sa iyang kasakit.
—Ug sulod sa upát kun limá ka adlaw, kon makapatahî na ikaw mga bag-ong sapút, mangadto kitá sa Malabón... Ang imong amahan sa bunyag walâ na didto sa San Diego; kadtong paring batan-on nga imong nakità dinhi kagabii, maó ang kura didto: maóy usá ka santo.
—¡Alang kang María Clara labing maayo ang San Diego! — matud ni Isabel; — labut pa, ang atong balay didto labing maayo ug nag-angát na usáb ang pangilin sa lungsod.
Buút untà gakson ni María Clara ang iyang iyaán, ugaling kay nakadungóg siyág dinaguok sa usa ka salakyanan nga mihu- nong sa tungód, ug naluspad siya.
—¿Tuod nó? — mitubág si Kapitán Tiyagò, ug unyà, sa pag- kamatngon nga si Ibarra miabút, miingón: ¡Ania si Don Crisós- tomo!
Gibuhian ni María Clara ang puntil nga iyang gibitbit, buút untà siyá molihok apán walâ makahimò: ang iyang tibuók kala- wasan nagapanguróg. Gikan sa hagdanán nabati ang tinaguktok sa sapín ug usa ka tingog nga matin-aw sa lalaki, tingog nga daw nakahatag ug dili masabút nga kabaskog kang María Clara, kinsa midalagan ug mitagò sa lawak nga alampoanan diín ipahamutang ang mga larawan. Si Kapitan Tiyagò ug si Isabel nangatawa ug si Ibarra nakadungóg pa sa hinagpak sa usa ka ganghaán nga gitakpan pagkalít. Si María Clara naluspad ug gikutasán, gipig-it ang iyang dughan nga nagkubákubá pag-ayo, ug naminaw siya. Nadungóg niya ang usa ka tingog, kadtong alang kaniya matam-is nga tingog nga iyang pagahidamgoán: si Ibarra nangutana ka- niya. Hubóg sa labiháng kalipay, mihalók sa usá ka santos nga
