didto sa iyang duol, si San Antonio Abad. ¡Bulahan nga santos
nga sa buhì pa ug karón nga kahoy na lamang ang iyang lawas
kanunay gayúd ginatintal ug mga maanyag nga panuláy! Humán
niini, si María Clara misuling sa gawáng nga yawihanan sa gang-
haán aron pagtan-aw ug pagsud-ong kang Ibarra: nagapahiyúm
siyá didto, ug dihâ nga giduol ug gisangpit na siyá sa iyang iyaán,
mikumbitay sa liog sa tigulang ug giligid niya kinig halók, walâ
lamang magpanghibaló sa iyang gibuhat. Taúdtaúd ang tigulang
nakatingog na, namahid sa luhà ug miingón:
—¡Buang, oy! ¿Naunsa ka ba?
Si María Clara naulaw ug gisalipdan ang iyang mga matá sa iyang bukton.
—¡Panghipòhipò dihâ ug gulâ na ngarí! — mipadayon ang tigulang sa paningog nga mapaninggaon. — Samtang nanagsulti sila sa imong..., talaná, lakáw ngarí ug ayaw pagpaampò.
Sama sa usa ka batà si María Clara giguyod ni Isabel ug na madasigon uyamut, mitunghà si Isabel nga daw nagaguyod sa iyang pag-umangkon, kinsa nalukóp ug lingì ug walâ motan-aw sa nanagsulti.
¿Unsa kaháy gipamulong niadtong durohá ka kalág nga nag- sinultiháy nianang pinulongán sa mga matá nga labing hingpit kay sa pinulongán sa mga ngabil, pinulongán nga gihatag ni Bat- halà sa kalág sa tawo aron ang kagahub sa tingog dili makatugáw sa kahilum sa pagbatì? Sa mga higayón nga ang duhá ka binuhat nga malipayon magsinabtanay pinaagi sa tinan-awán sa ilang mga matá, nianang higayona ang pulong litukón sa dilà dilì maka- tubay pagsaysay sa babation sa kalág, ingón nga dili makaapás ang tingog sa dalugdog sa kahayag ug gidalión sa kilat, kay ang pulong magapahayag man lamang niadtong mga pagbati nga hi- ilhan na ug mga hunàhunà nga hisabtan sa tanán, ug kon siyá gawion. kanâ tungúd lamang kay ang tinguhà sa kasingkasing hupóng sa kalipay ug tag-iya sa kinabuhi maó nga ang tanang mga balatian ug mga galamhan sa lawas takdan ug mobatì usáb sa mga kalipay nga bation sa kalág. Ang mga pangutana sa gugma pinaagi sa tinan-awán nga mokidlap kun pid-ukon, dili matubág sa pulong: maó day motubág nianà ang matam-is nga pahiyúm, ang masipà nga halók kun ang halawóm nga panghupáw.
