Dagway ang bugtong nakapalahî sa tawo sa mga mananap, maó ang pagtahud ug pagmahál sa handumanan sa nangama- tay. Ug kahibulongan nga daků nga kining batasana labí pa nga nasangyaw ug migamút sa mga lungsod diín daghan pang mga buróng kay sa mga lungsod nga nanagmatá na.
Matud pa sa mga magsasaysay sa kaagi sa Pilipinas, ang mga katigulangan gisimba ug gipakabathalà kanhi sa karaang mga molupyò dinhi; apán karón nabalit-ad: ang nangamatay maó na hinoon ang magpakitabang sa mga buhì. Ginasugid usáb nga ang mga molupyò sa Nueva Guinea managtipig sulod sa usa ka sudlanán sa mga bukóg sa ilang mga minatáy ug ma- kigkulokabildo silá sa maóng mga bukóg; ang kadaghanan sa mga lungsod sa Asya, Aprika ug Amerika nanagtuo nga ang mga patay manambong sa mga kombirá nga idalit kanila, busà dulotan silá niadtong mga sud-an ug kalan-on nga ilang kina- ham sa buhi pa. Ang mga Ehiptohanon managtukod dagkung mga balay alang sa nangamatay; ang nanagtuo kang Mahoma, mga simbaháng gagmay, ubp.; apán ang lungsod nga sinatì ga- yúd kaayo niining butanga ug nakailá uyamut sa kasingkasing sa tawo, maó ang Dahomey. Kiníng mga tawhana, nga pulós agtà, nasayud nga ang tawo mapanimaluson, busà nanagtuo silá nga ang labing maayong ipahimuót sa usá ka patáy maó ang pag- kuha sa kinabuhi diha sa ibabaw sa iyang lubóng sa tanan niyang mga kaaway, ug, sanglit ang tawo madukîdukión ug mangità man gayúd ug kalingawan didto sa laing kinabuhi, matagtuig ilang padad-an ug sulát nga pinutós sa panit sa usá ka binihag nga ilang punggotan sa ulo.
Kitá lahî gayúd sa tanán. Bisan sa ibabaw sa mga lubnga- nan lagmit natong mabasa ang mga pulong mahinuklugon, talagsa day motuo nga ang mga patay mamahulay sa kalina- wan. Ang labing haluág ug hunàhunà nagatuo nga ang ilang
