Ang tigulang kahibulongan nagasuroy sa kadalanan sa lungsod.
Kadtong tigulanga maóy usá ka tinon-an kanhi sa Filosofia nga mibiyà sa iyang pagtuón sinugo sa iyang tigulang inahán, ug dili tungúd sa pagkakulong sa salapi kun sa katakús, kon dili hino- noa tungúd kay ang iyang inahán adunahan ug nadungog nga siyá maidlot ug salabutan. Ang inahán nahadlok nga ang iyang anák mahimong makinaadmanon ug unyà mahikalimot na lamang kang Bathalà, busà iyang gipapili niining duhá ka butáng: mo- biya siya sa kolehiyo sa San José kun magpari ba. Ang iyang anák, nga nahagugma na sa usá ka babaye, mibiyà sa pagtuón ug nagminyò. Walâ dangtig tuig, si Tasyo nabalo ug nailo, ug tungúd niini ang iyang kalipay didto niya pangitaa sa mga panid sa mga basahón aron mahilikáy sa sugál ug ubán pang mga kahi- layan. Apán sa labihan niyang kabuang sa pagtuón ug pagpama- lít mga basahón, gipasagdan niya sa hingpit ang iyang katiga- yonan ug sa ingón nianà nagaanám siyá ug kalugnas.
Don Anastasyo kun pilosopó Tasyo maóy itawág kaniya sa mga tawong may batasan, apán sa mga walay batasan, nga maóy nagdaghan, nganlan siyág Tasyo-buang, tungúd sa iyang mga hunahunà ug mga panlihok nga kahibulongan.
Sumalà sa amò nang giingón, niadtong hapona may unós nga nagsingabút; niadtong taknaa alimuot kaayo ang hangin ma- bug-at nga ginhawaon; ang kasiga sa kilat mobanwag sa langit nga naglugitúm sa dag-um.
Si pilosopó Tasyo daw nalimot na sa iyang pinalanggà nga kalabira: karón nagapahiyúm siya nga nagasud-ong sa maitúm nga dag-um sa langit.
Duol sa simbahán gikahinagbò niya ang usa ka tawo nga nagasul-ob chaqueta¹ nga alpaka, nagabitbit daghang kandilà ug
(1) ― Diyakit.
