usá ka sungkod nga binorlasan, timaan sa katungdanan nga iyang
gihuptan.
―Daw nagmalipayon ikaw karón―misulti sa Tinagalóg kang pilosopó Tasyo.
―Oo, matuod, sinyor Kapitán: malipayon akó kay dunay gi- paabut. ―¿Há? Unsa man kanang imong gipaabut?
―¡Ang unós!
―¿Ang unós? ¿Kay ngano, maligò ba ikaw?
―Dili daután ang pagkaligò karón . . . labí na kon maka- singdol kitág mahugaw nga sagbut―mitubág si Tasyo nga daw nagbiaybiay ug mitan-aw sa iyang gikasulti;―apán aduna akóy gipaabut nga labí pang maayo.
¿Unsa man lagi?
¡Mga linti nga mopatay ug mga tawo ug mosunog ug mga baláy! ―mitubág sa dakúng kaligdong ang pilosopó.
―¡Pangayoa na lamang hinoon ang lunop!
―¡Ikaw ug akó, kitáng tanán angayán nga lunopan! Ikaw, ginoong gobernadorcillo, nagabitbit karón ug daghang kandilà nga gikan sa tindahan sa Insik; napulò na ka tuig karón nga akó kanunay nagasugyot sa matag Kapitán nga mahipuli arón mo- palít ug pararrayos kun lit-ag sa lintì, apán ang tanán mangatawa kanakò ug mopalít hinoon mga bomba ug mga kuwitis ug mo- bayad arón bagtingon ang mga lingganay. Labut pa, sa sunód adlaw sa pagsugyot ko kanimo, ikaw mipatunaw ug lingganay sa Insik alang kang Santa Bárbara, ug walâ ka maghunahunà nga nasusi man untà sa mga makinaadmanon nga dili maayong bagtingon ang mga lingganay kon maglitî. ¿Ngano man lagi nga ang linti nga nahulog sa lungsod sa Binyang kaniadto sa tuig 1870 didto man gayúd motugpa sa kampanaryo ug giusap ang ora- sán ug ang altar sa simbahán? Unsa may gibuhat sa gamayng lingganay ni Santa Bárbara nga walâ man niya santaa ang lintì?
Niadtong higayona mikilat.
―¡Hesús, María y Hosép! Santa Bárbara bendital ― pa sa gobernadorcillo nga naluspad ug nangurús.
Si Tasyo mitalidhay. matud
―Angayán ikaw nga anggaan sa ngalan sa inyong patrona ―matud sa tigulang; unyà mitalikód siyá ug mipadulong sa sim- bahán.
-
