senco, nome, ke il ne aceptas la decido arbitrala. Quo valorus omna arbitradi, se ti, qui aceptis li ante, rezervus a su la yuro « protestar », kande la decido ne esas tute konforma a sa propra deziri?
Société française de Photographie, e. c. 51, rue de Clichy, Paris (9e)[1]
(Originalo franca).
Paris, la 29a Aprilo 1908.
« A Siori Leau e Couturat, sekretaryi di la Delegitaro… e. c.
Siori,
Me havas honoro sendar a vu mea demiso de la funcioni di delegito, quin la franca Societo di Fotografado konfidis a me same quale a la rigretata Léon Vidal, por riprezentar ol en la Delegitaro.. e. c.
L’ aparo di la jurnalo « Progreso », quan vi jus publikigis quale oliciala organo di ca Delegitaro, e la lekto di la cirkuleri qui akompanis ica publikigo, surprizis profunde la membri di nia Societo, qui opinionas, ke vi eskartas vi stranje de la skopo, quan li vizis.
Nia konsilantaro, en sa kunsido di 24a di ca monato, decidis konseque, per unavoca voto, retraktar la adhero di la franca Societo di Fotografado, rifuzante solidarigar ol plu longe kun via agado.
Ol invitis me notifikar a vu ca decido, deklarante tamen, ke ol restas sempre fidela a sa konvinkesi pri l’ utileso di linguo helpanta internaciona, ed adjuntante, ke ol konsideras, ke ca linguo esas cadie Esperanto, qua furnisis pruvi di uzado praktikala, nome por la aplikado a la Fotografado.
Pro la publikigo, quan vi facis dum plu kam 8 yari[2] di l’ adhero di nia Societo, nia konsilantaro deziras, ke ca letro esez insertata en la max proxima numero di via jurnalo.
Aceptez, Siori, la certigo di mea aparta estimo.
Ni respondos a ca letro per la sama rimarki, kam a la letro di Generalo Sebert, kun qua ol prizentas stranja simileso. Ca demiso eventas sis monati pos la kunsidi e decidi di nia Komitato, quin
- ↑ On rimarkos, ke ca adreso esas precize ta di la Esperantista Centra Oficejo.
- ↑ Malgranda eroro : pro ke la Delegitaro esis fondita en januaro 1901 e ricevis l’ adhero di la Societo en marto di la sama yaro, la intervalo esas nur 7 yari, ne « plu kam 8 ». — Se la publikigo di ca adhero kun la ceteri esis utila a la Delegitaro, la publikigo di la adheri ricevita da ni, facita dum 7 yari en la esperantala jurnali, servis anke multe lia propagando. Tamen kelki ek li zorge silencas pri la decidi di nia Komitato, o mem prizentas li quale tute favoroza ad Esperanto.
