di la Delegitaro ». La « incidenti » quin vizas ca malklara aludo esas posa a la decidi di nia Komitato ed a la rompo facita da Dro Zamenhof e da la Lingva Komitato. E li esis produktita nur per la intrigi di kelka netransaktema chefi. Ici do sola esas responsiva pri la « danjero », qui segun li minacas la interesti, ne di LI., sed di EP. omnakaze, ni dubas, kad lia nuna agado esas konforma a l’ interesto di la paco e di l’ interkonsento, quin deziras omna sincera e seninteresta amiki di nia ideo.
Ca demisi e protesti esas vere ne-explikebla, o prefere, ne-justigebla. Se li vizas la decidi di nia Komitato (facita unavoce, c. e. kun la voco di la membri esperantista, quin altri riprochas a ni esar elektinta), li venas tre tarde, nam ca decidi esas ja konocata de sis monati. Se li vizas la linguo, quan ni propozas ed uzas hike, segun la invito (o detio) di multa Esperantisti, li esas tro frua : nam on ne povas ja judikar ol, pro ke la vortolibri definitiva ne ja aparis. Se li vizas la publikigo di nia revuo (quo esas la max probabla hipotezo), esas ya stranja kozo, ke ciencala Societi protestas kontre la « libera diskutado » e ciencala traktado di la problemo! Pro co on povas komprenar lia decidi nur quale expreso di malkontenteso di kelka influanta Esperantisti. Sed li igas la Societi ludar rolo poke ridinda. Ca Societi, adherante a la Delegitaro. aceptis l’ arbitro di la Komitato, cetere elektita da lia delegiti. Nun, deklarante , ke li esas « ligita » ad Esperanto, li konfesas, ke segun li la arbitrantaro, qua devis elektar la LI., havis nur un yuro : « elektar » Esperanto, e mem Esperanto primitiva, netuchebla, ne-plubonigebla. On vidas per co, qua esas la valoro e sincereso di la malbona shikani, quin on objektis ante a nia Komitato, nome, ke ol havis yuro nur por « elektar » un linguo, ne por « krear » ol. On facus exakte la sama protesti, se ol esus « elektinta » ula linguo altra, kam Esperanto. Tala esas la konciliemeso e malegoismo di kelka chefi Esperantista!
Samtempe ni ricevis la sequanta decidi, rezolvi ed aprobi :
Socialista grupo esperanta en Zürich.
La Socialista Grupo Esperanto Zürich, pos matura rellekto e diskutado, facis en sua ca-dia generala kunveno la sequanta rezolvo :
1. La grupo vidas en la reformi exekutita da la Delegitaro importanta simpligo di la linguo.
2. Ol kredas, ke ca reformi esas facile enduktebla, ed expektas de li plu granda difuzo di l’ internaciona helpanta linguo, aparte en la laboristaro.
3. Ol dankas la Delegitaro pro sa senpartia laboro, per qua la
