klarigi, la grava questiono di La Derivado en Esperanto, segun la verketo di So Couturat; ol studyas la sufixo aj (3 mayo) la afixi ad e ek e kelka limit-kazi (10 mayo). Ni rekomendas insiste la lektado di ca artikli (komencita en januaro) ad omni, qui volas serioze e senpartie studyar la questiono di la necesa reformi, tante plu ke la broshuro di So Couturat : 1e esas redaktita en franca; 2e esas plu malfacile lektebla e komprenebla kam la komentado di B. S.; 3e esas nun exhaustita.
La no de 3 mayo publikigas letro da So Michaux, qua varme aprobas e rekomendas la unesma proyekto di So Hodler, reprenata nun da Frato Isidore e multi altri. « La Delegacio parolis al la Lingva Komitato, opiniante paroli al la Esperantistaro, kaj nur Esperantistoj diversmaniere respondis. Jen la kaŭzo de la reciproka malfido… » On ne povas rezumar plu juste la situeso kreita da la malkorekta agado di la Lingva Komitato. Il konkludas « ke por ĉesigi ofendajn polemikojn inter Esperantistoj, oni devas fondi kompetentan Akademion, kies decidojn ĉiuj fine akceptos ». Yes .. se omni esas admisata ad elektar ica Akademio; sed se on exkluzas ante ek la votanti omna progresema Esperantisti, la remedyo valoros nulo, e ne duktos a la paco e konkordo dezirata. — B. S. expresas prudenta dubi pro la suceso e konseque l’ oportuneso di la riprezento di Ifigenio en Taurido, proyektata por la 4a kongreso en Dresden. Efektive, kande on savas, ke la max multa Esperantisti ne esas richa, e kande on demandas ja de li monal sakrifiki por venar a Dresden e partoprenar a la diversa festi di la kongreso, esas tute malsaja, postular ke li prenez 600 loki po 20 marki single por un teatrajo, — quo pruvos absolute nulo. Co esas nur un ek la kustumala fanfaroni, quin prizas kelka bruisema ed ostentema chefi!
La no de 10 Mayo publikigas aproba letri da Siori F. Spies (Liège), Fichot (Auxerre), Mathieu (Verviers), Sentis (Grenoble), qua montras ke en Belgio ed en Francio trovesas senpartia spiriti, qui amas la « libera diskutado » e ne blinde opozas ad omna propozo od ideo di reformo. Un ek li dicas tre juste : Dank’ a B. S. precipue, multa Esperantisti ekiras ek la fanatikeso di la « fidelaj deklaracioj » por examenar ipsa la situeso e la dokumenti senpartie publikigita da B. S. » Ni subskribas volunte ca meritita lando. — So St. Schels (polona samideano e tre devota Esperantisto) duras skribar « pri reformo de Esperanto », e traktas la pronunco (EP : elparolado!). Il justigas tre bone la konkludi di nia Raporto e la decidi di la Komitato. — B. S. citas e laudas la senpartia artiklo, per qua Dana Esperantisto anuncas la aparo di Progreso. — Fine, B. S. expresas la sequanta opiniono pri la publikigaji di la Centra Oficejo (qua, on savas ol, publikigas nur « vera informi » ed « autentika dokumenti ») :
« Ni ricevis la sepan kajeron de la Esperantista Centra Oficejo,
