futuro semblas nemulte necesa e certe uzesos tre rare, nam se il venus generale implikas « ma il ne venos » egale kam la strikta prezento « ma il ne venas (nun) ».
Infinitivo postulas certe la tri tempi, quankam la futuro ne esas facile expresebla en omna lingui : naturala konsequo de la generale difektoza maniero expresar futuro — qua koheras kun la plu o min trista fakto ke ni mortonti ne esas profeti. Ma en plura kazi fut. infin. esas utila, ex. semblas pluvor ante vespero ; me esperas povor pagar vu ante du monati.
Pri la tempi en participo, aparte en la pasiva, me parolos en la duesma parto (expresili).
Ta temo ne postulas aparta rimarki hike, nam logikale ol esas tre simpla ; ma en la duesma parto ol postulas tante plu multa atenco.
Me fine deziras dicar, ke ca artiklo ja skribesis en klado ante aparo di la artiklo da So Couturat (Progr. nov. p. 474). Me joyis ne bezonar chanjar un vorto, e me esperas ke mea pagini ne semblos tote superflua pos la artiklo da nia sekretario.
Abutmento [E] D. Widerlager ; E. abutment ; F. culée (de pont) ; I. coscia (di ponte) ; S. estribo.
Ancestro [EFIS] D. Ahn ; E. ancester, ancestor ; F. ancêtre ; I. antenato ; S. antepasado. — Vorto tre uzata en biologio : l’adjektivo ancestral esas E.F.I.S. Ancestro esas nek avo, nek preavo, ol embracas l’avi e preavi. Ol esus sinonima di acendento ja propozita (p. 70). On devos selektar l’una o l’altra. Acendento esus simetra di decendento ; ma ka ta simetreso esas necesa ? O kad on povus extraktar de atavismo, tote internaciona, la radiko atav por ica senco ?
Antecedento [DEFIS] D. Antecedenzie(n) ; E. antecedent ; F. antécédent ; I. antecedente ; S. antecedencia(s). — En la senco : « antecedenti di individuo », t. e. sa antala historio e konduto. — Ica termino esos anke necesa (ed internaciona) en teknikala faki, ex. en logiko, matematiko, gramatiko, e c. La termino korelativa esas konsequanto o simple sequanto
Argonauto (mitol.) [DEFIRS] D.E. Argonaut ; F. argonaute ; R. argonavt ; I. S. argonauta.
