15
SUPPLEX LIBELLUS AD REGIAM LUSITANIA MAIESTATEM
AB ALIQUO RELIGIOSO BRASILIENSI EXHIBITUS
Pater Bartholomæus Laurent[ius] proponit machinam se invenisse, qua multo velocius per ærem, quam terra, marive possit iter institui, ita ut spatio 24 horarum ducenta quandoque milliaria confici; mandata copiis bellicis dari; consilia prope eo tempore, quo conclusa transmitti valeant; quod regiæ maiestati vestræ eo magis conducit, quo eiusdem regna longius invicem distant; et ex dilatione regij consilij sæpius proventuum, limitumque augmenta in illis conservari nequeunt; mercatoribus litteras suas, et merces velocius isthac machina transmittendi facultas ; locis obsessis auxilia, milites, annonam, arma aliaque necessaria ferrendi, aut etiam ex illis quæ placita fuerint, sine hostium obstaculo auferrendi, commoditas erit. Cum etiam Lusitani sub polis mundi proxima iacentes regiones detexerint[1], in maiorum succrescet gloriam, quod hanc tam utilem machinam per ærem volandi adiuvenerint; quod arcanum tot nationes detegere conatae assequi nedum poterant ; et quemadmodum defectu mapparum geographicarum tot infortunia, tot naufragia, per orbem accidunt ; sic mediante laudabili hac machina, situs Globi Terraquei facilius cognosci, ut et alia quamplurima memorabilia maiestati vestræ palam fieri poterunt. Quoniam vero per utilitatem huius machinæ innumeræ confusiones evenire possent, ut istæ evitentur, uni dumtaxat Directori eiusdem committenda foret, qui ab ordinatione Majestatis vestræ dependeat, omnes autem contra nitentes poena cohibeantur. Maiestas vestra dignetur supplicanti privilegium concedere, ne ullus alius audeat positive [?] hac machina uti ; minus imitatione consequi, sine speciali præfati supplicantis, aut hæredum suorum consensu, sub poenis etc.
Description d’une ingénieuse machine par le moyen de laquelle il est possible de faire, en volant au travers des airs, 200 milles dans l’espace de 24 heures, pour transmettre avec rapidité aux armées très éloignées, outre des ordres, des soldats, des vivres et autres choses nécessaires, de même qu’à des localités assiégées des lettres, des marchandises ou de l’argent, comme cela peut se voir par la copie ci-jointe d’une pétition adressée à S. M. le Roi de Portugal par un religieux brésilien ; une nouvelle épreuve de cette machine (qui a déjà été faite à une hauteur de 10 brasses dans l’air) doit avoir lieu le 24 juillet 1709 prochain.
- ↑ Ou: Detraxerunt.
