—¡Ni, ni, ni!
—¡Rimuaren!
—Ngem, jania ket ti mapanpanunot yon, don Custodio!
—¡Nakaay-ayat man dayta a gakat!
—Daytoy ti gakat a kunakon, kusayanna aminen!
—Ngem, appo,—inyikkis ni don Custodio, idi mangngegna ti kasta unay a sasao;—aramid ti kitaen tayo, adda pay aya sabali a balay a maitutop unay no saan a dagiti palpallutan? Dadakkelda, nasayaat ti pannakaaramidda, ket awan pagpapaayan da kadagiti lawlawas na. Uray pay no babaen ti kinasingpet ti pangkitaan ti gakat ko, nasayaat unay: agpaayto a kasla pakaguguran ken pakaugasan iti tunggal lawas na dagiti simsimbaan ni sugal, mabalin a kuna.
—Wen a ngem pasaray adda met pallot ka dagiti lawlawas na,—kinuna ni Padre Camorra,—ket saan a nalinteg nga agbayad dagiti kontratista dagiti palpallutan iti Turay. . .
—¡Ni. . . Kadagita nga al-aldaw, maripkan ti pagadalan!
—¡Ni, ni!—kinuna ti Kapitan Jeneral, a naririan,—dayta nakaar-ariek a banag saanto a maaramid iti bayat ti panagturay ko! jMaripkan dagiti pagad-adalan, gapo ta adda su gal! Saan, saan, saan! ¡Umuna pay nga agikkatak iti saad ko!
Ket ni Ekselensia pudpudno a naririan.
—Ngem, Jeneral, naim-imbag ta maripkanda iti sumagmamano nga aldaw, ngem iti binulan.
—¡Saan a naimbag dayta!—innayon ni Padre Irene, nga adadda pay ti pannakariri na ngem ni Ekselensia.
—Adadda pay a dakdakes a ti sugal adda nasayaat a balayna, ket ti sursuro awan. . . Ditay agtagtagainep, appo, ara mid ti intay kitaen, ket ditay agsinan a mangrikrikna. Gapo la iti paminadayaw tay kadagiti tattao, iparittay ti panagmula iti apian kadagiti il-ili nga iturayantayo, ngem ipalubustayo kadakuada ti panagsusop; rumsua a ditay maikkat ti dakes, ngem agpanglawtayo. . .
—Ngem kitaenyo, ta iti dayta, adda maala ti Turay, nga awan ket ti bannog na, a nasurok a uppat a gasot ket lima pulo ribo a pisos,—kinuna ni Padre Irene a nanegdeg ti yaabay na iti Turay. . .
—¡Isunan, isunan, appo!—kinuna ni Ekselensia, a ginupedna ti riri;—adda napanunutkon nga aramiden maipanggep iti dayta ket ipangpangrunak ti maipapan iti pannakasursuro dagiti kaaduan. ¿Adda pay sabali?
