gakat nalpasen a naaramid ket pagsasaritaandan ti inda panagyaman ken panangidayaw ti Turay gapo iti ayat dagiti
agad-adal iti Daga a nakayanakan, ket dagitoy nalaos a ininanama isuda ti mamilit metten ken Juanito Pelaez nga agkunkuna nga iso ti maysa kadagiti kaaduan ti naaramid iti
pannakaibangon ti gimong da. Kadagitoy, sumungbat met
ni nalidem ti panagkitkita na a Pekson,—maysa a nalukineg,
napalalo a nagragsak ti katawa na, a katawa ti duldog—a ipalagipna ti pannakabalin dagiti sabsabali, no napanda met
laeng nakiuman wenno saan ken Obispo A., ken Padre B., ken
Probinsial C., ken no inpatigmaanda wenno saan a maipisok
iti pagbaludan amin dagiti mamukel iti gimong, damag toy
a di mamagtalna ken Juanito Pelaez, iso nga agkunkuna:
—Karambas, saan dak a iramraman, wen. . .
Ni Sandoval, gapo ta kastila, sa pay ket nawada ti panagpanpanunot na (liberal), makapungtot:
—!Ngem p—! kunkunana;—ti kasta kayatna a sawen a dakes ti pamanunutan yo iti Jeneral! Ammukon a iso, maka-praile unay, ngem kadagiti kaskasta a banbanag, saan a paiturong kadagiti praile! ?Kayatyo nga ibaga kaniak, Pekson, no ania ti pagbatayan yo nga agkuna a ti Jeneral awan bukod na a panunot?
—Saanko a kuna dayta, Sandoval, — insungbat met ni Pekson, nga agkatawa iti uray la makita dagiti maudi a sangsangi na;—kaniak, ti Jeneral adda bukod na a panunot, kayatko a sawen, ti panunot dagiti amin nga adda iti asideg na. . . !Dayta, nalawag!
—Manen! Ngem mangibagakay man iti maysa a naa ramid, mangibagakay man iti maysa a naaramid!—ipukpukkaw ni Sandoval;—iwaksi tay dagiti sinsinnungbat nga awan anag na, dagiti sasao a parparawpaw ket intay iti yuyeng da giti ar-aramid,—Sana innayon, a kasta unay nagsayaat ti panagyablat na kadagiti im-ima na.—Aramid, appo aramid: ti saan a kasta, maysa la a dakes a panunot, a diak kayat a panaganan pilibustero.
Ni Pekson nagkatawa a kas la maysa a bendito ket isengngatna:
!Rumuar ti pilibusterismon! iNgem, apay, saan a mabalin aya ti agsisinnungbat a di iramraman dagiti dardarom?
Ni Sandoval agriri, ket dawatenna nga iparanganda iti aramid, ket agbitla iti ababa.
—!Ni! itay nabiit, adda ringgor dagiti sumagmamano a tattao ken dagiti praile, ket ti nangisaop iti Jeneral, intu-
