- 159
kitak kadakuada ti ay-ayam yo? Ammumin a sarming latta ti
maaramat, ngem gapo ta ni Padre Camorra saan a mapnek. . .
Ket kinayatna a linayaw ti lalaktawan, a di ket magnan iti ruangan, idi ta ni Padre Camorra, ado a riri na met, iti buteng na a pumudno dagiti sasao ni Ben-Zayb.
—?Ket, apay saan, apo?—insungbat daydi amerikano;— ngem dikay la ket mangdadael iti uray ania, ?kayatyo?
Daydi periodista adda idin iti rabaw ti pagbatayan.
—?Ipalubosyo?—kinunana.
Ket dina inurayen a ipalubosda, iti buteng na a madi ni Mr. Leeds, inngatuna ti abbong ti lamisaan ket sinapulna dagiti sarsarming a kunana no addada iti nagbabaetan dagiti saksaka ti lamisaan. Ni Ben-Zayb, adda sinauna a pangrugiten, nagsanod, sinublina nga inkaot dagiti im-ima na iti babaen ti lamisaan, a inna ida inkarawa: awan nasarakanna. Ti lamisaan, tallo dagiti saksaka na a babassit a landok a naipalukda iti datar.
Daydi periodista awan la ti dina kitaen, a kasla adda inna sapsapulen.
—?Adino ti yan dagiti sarsarming?—sinaludsod ni Padre Camorra.
Ni Ben-Zayb, kita a kita, arikapenna ti lamisaan, ingatuna ti abbong na, ket pasarayna ikabil ti ima na iti muging na, a kas la itay adda laglagipenna.
—?Adda napukawyo?—sinaludsod ni Mr. Leeds.
—?Dagiti sarsarming, mister, adinno ti yan dagiti sarsar ming?
—Dagiti sarsarming yo, diak ammo no adino ti yan da, dagiti kukuak addada idiay Ponda. . . ?kayatyo ti agsarming? Sabali ti rupa yo ket nabessag kay pay ngamin.
Nupay sibubutengda, idi makitada ti talna daydi ameri kano nga agangaw (aduda dagiti nagkatawa, ket ni Ben-Zayb, a nabainan, nagsubli iti tugaw na nga inna indayamudom:
—?Saan a mabalin; makitayunto no di adda sarming a ikabilna; sukatannanto no kua ti lamisaan na. . .
Ni Mr. Leeds insublina nga inkabil ti abbong iti rabaw ti lamisaan, sana sinango dagiti nadayaw nga agbuybuya ket inna kadakuada sinaludsod:
—?Napnekkayon? Jmabalintay a rugyanen?
—!Ni, adda pay la sao na!—kinuna daydi babai a balo.
—Ala, agtugaw ngad dagiti dudunia ken babaknang ket panunutenda ti inda saludsuden.
Ni Mr. Leeds simbrek iti maysa a ruangan ket iti kalpasan ti sumagmamano a kanito, nagsubli a siiggem iti maysa a la-
