160
kasa a kayo a nadilem, binakabak, kct adda naikabil-kabil a
sinan-tumaytayab, ay-ayop, sabsabong, ul-ulo ci tao, kdmpy.
—Dudunia ken babaknang,—kinuna ni Mr. Leeds, a siraranga;—iti naminsan a napanko sinarungkaran ti piramide ni Khufu, Karaon iti maikapat a kapututan, adda nasarakak a maysa a tanem a bato a nalabaga, iti maysa a siled a naliplipatancn. Ti ragsak ko, napalalo, ta inpapanko a nakasarakak iti maysa a bangkay ti ari; ngem, ania a luksaw kon idi ta, nalukatan ti tanem kalpasan ti ado a bannog, ket awan sabali a nasarakak no di la daytoy lakasa a mabalinyo nga amirisen.
Ket insursurna ti lakasa kadagiti akinsango. Ni Padre Camorra inliadna ti bagi na a kasla itay mariinen; ni Padre Salvi kinitana nga inyasideg a nalaing ti rupa na, a kas no itay awisen dagiti banbanag maipapan iti tanem; ni Padre Irene immisem iti isein ti mannakaammo; ni don Custodio naginraranga ken naginlalais; ket ni Ben-Zayb sinapulna dagiti sarsarmingna, sadiay ngata ti yan da, ta sarming ngarod ti maaramat iti daydi.
—!Agabbongkay!— kinuna ti maysa a babai;—!puff! ket nagpaypay iti napigsa.
—Ti angot na kasla maikapat a pulo gasot a tawenen!— kinuna met ti maysa iti napigsa.
Ni Ben-Zayb nalipatanna dagiti sarsanning, ta inna tinaliaw no asino ti nagkuna iti kasdi. Maysa a soldado a nakabasa iti biag ni Napoleon. Ni Ben-Zayb immapal ket tapno makaisao met iti makapadakir bassit ken Padre Camorra, kinunana:
—!Agassimbaan!
—Toy a lakasa, appo a dudunia ken babaknang,—intuloy daydi amerikano,—adda linaunna a sangarakem a dapo ken sangkapirgis a papiro,11 iso a nakaisuratan dagiti sumagmamano a sasao. Kitaenyo, ngem dawatek kadakayo a saan yo a pigpigsaan ti umanges, ta no adda sangkabassit a dapo a maipayagsaw, ti espinje agparangto nga adda kurang na.
Ti para to na, a kasta unay nagdeggang ken nagbileg ti
inna pannakaisao, nangin-inot a inda pinati, ket idi naisursor
ti lakasa, awan nakaitured a immanges. Ni Padre Camorra, a
namin-ado nga inna inbukbuksilan iti pulpito sadi Tiani,
dagiti tutuok ken pagpaglan sadi inpierno, idinto nga iti unegna, agkatkatawa a mangpalpaliiw kadagiti sibubuteng a ikikita dagiti babbai a managbasol, inapputna ti agong na; ket
ni Padre Salvi, ni met la Padre Salvi a sibabagi, nga idi piesta
__________
(11) Ukis ti kayo a pagsuratanda idi una na.
