164
di a pudpudno a kasangkapan da. Dagidi papadi nga ejipsio
nayatda a nangitungpal kadagiti bilbilin ni Gaumata, nga
adadda pay kct ti ayat da, gapo ta indak idi kabuteng ken
tapno diak ibaga iti Hi dagiti ar-aramid da a pangal-allilaw.
jTapno maaramidda dagiti panpanagem da, inaramatda ti
kinagartem ti maysa nga ubing a padi sadi Abydos, (maysa a
pagilian ti daan a Ejipto) iso a kunkunada a nasingpet!. . .
Natuok a ulimek ti simmaruno kadagitoy a sasao. Daydi nga ulo ibagbagana dagiti dakes ken ballaibo nga ar-aramid dagiti papadi, ket numan pay sabali nga al-aldaw ken sabali a pampammati dagiti inna sarsaritacn, sairenna dagiti praile nga adda a sisasango, nalabit gapo ta makitada nga adda pagpadpadaan dagidi nga ar-aramid kadagiti agdaina a kaskasasaad. Ni Padre Salvi, a dina mateppelan ti pigerger na, agpanirpir dagiti bibbibig na ket dagiti matmata na, a kas da la limmusot, inda sursuruten dagiti matmata daydi ulo, a kas la ket itay inda awiden. Mangrugi nga agruardan iti nakatultulang a muging a dagiti dadakkel a linglinget, ngem awan makadlaw, ta kasta unay a panangipasnek ken pannakaidagem da.
—?Ket, ania ti inaramid kenka dagiti papadi sadi ilim? —sinaludsod ni Mr. Leeds.
Daydi ulo nangibbet iti sennaay a nakasaksakit a kasla naggapo iti uneg ti puso, ket dagiti agbuybuya nakitada da giti matmata na, dagiti matmata na nga apoy, a nakullaapan ken namsek iti lua. Aduda dagiti nagkintayeg ken nakarikna a simgar dagiti bubuok da. Saan, daydi, saan a parparato laeng, saan a salsalawasaw; daydi nga ulo, maysa gayam a naparparigat a naipatli ket inna man saritaen ti biag na.
—!Ayl—kinunana a nagwingiwing a sililiday;—- adda idi ay-ayatek a inaysa a balasang, anak ti maysa a padi, natarnaw a kas ti lawag, kas sabong ti sukaw no apagukrad! Daydi ubing a padi sadi Abydos (maysa a pagilian iti daydi daan a Ejipto) naggartemanna met, ket nangaramid iti maysa a sinan-gulo nga inaramatna ti nagan ko ken sumagmamano a sursurat ko nga inallilawna nga innala iti daydi ay-ayatek. Daydi sinan-gulo nagbettak, idi ta isuna a sumangpet ni Cambyses a sipupungtot gapo iti dakes a binanag ti daksanggasat inna pannakigubat. Naidarumak a simmupiat iti Turay, nabaluddak, ket idi ta nakatalawak iti pagbaludan, idi kinamatdak, natayak idiay danaw Moeris... Manipod iti biag nga agnanayon, nakitak a nagballigi ti dakes, nakitak daydi padi sadi Abydos a kanayon, rabii ken aldaw, a mangsulsulisog iti daydi balasang a napan nagkamang iti maysa a simbaan ni
