- 165
Isis, (maysa kadagiti didiusen da a babai sadi Ejipto idi) sadi
puro Philoe. . . nakitak ti inna panangkamkamat ken inna
panangsulsulisog kenkuana uray pay kadagiti yuyyuyeng iti
uneg ti daga, makitak a inna pinagmauyong iti kigtot ken
tuok, kas pamayan ti maysa a dakkel a panniki iti maysa a
natarnaw, puraw a kalapati... jA! padi padi sadi Abydos!
agsubliak nga agbiag, ta umayko irakurak dagiti kinkinadakes mo, ket kalpasan dagiti nabayag a tawtawen a panagulimek, naganenka a pimmapatay, nanggulib iti banag a nasantuan, namadpadakes!!
Maysa a pagaak a namaga, kasla naggapo iti tanem, ti simmaruno kadagitoy a sasao, idi ta maysa a timek a nalemmes ti simmungbat:
—!Saan, maasika. . .!
Iso ni Padre Salvi, a gapo ta inabak ti kigtot, inwayatna dagiti dua nga im-ima na ket naidasay.
—?Ania ti makua yo, Reberensia, Padre Salvi? d'Masakitkayo?—sinaludsod ni Padre Irene.
—Daytoy pudot ket. . .
—Daytoy angot nga agan-natay a maangot ditoy. . .
—! Pimmapatay namadpadakes, nanggulib iti banag a nasantuan!—ulit-ulitan daydi ulo;—!idarumka, pimmapatay, pimmapatay, pimmapatay!
Ket nangngeg manen daydi pagaak a namaga, kasla naggapo iti tanem, nakaam-ames, a kasla itay daydi ulo, iti inna panangipasnek a mangpanpanunot kadagidi makasair a sasao na, dina makita ti kibor iti pagbuyaan. Ni Padre Salvi nadasay a naminpinsan.
—!Maasika! jsibibiag pay laeng. . .!—inulit ni Padre Sal vi, a napukawna ti rikna na. Sibebessag a kasla natay. Addada sumaginamano a babbai a nangipagarop a rebbengda met ti agindadasay ket kasta ti inda inaramid.
—!Agam-ammangaw!. . . !Padre Salvi!
— !Kunak ngamin itayen a saan nga agsidsida iti sopas a umok ti pios!—kinuna ni Padre Irene;—iso ti nangdadael ken kuana. —[No awan met kinnan na!—insungbat ni don Custodio, nga agtigtigerger;—gapo ta iso ti tinurturong unay a kinitkita dayta ulo, naawidna. . .
Ison, ti kibor kasta unayen; ti pagbuyaan kasla maysan a ospital, kasla tay-ak ti pagbabakalan. Ni Padre Salvi, kas la nalpasen a natay, ket dagiti babbai, idi makitada nga awan met ti umarayat kadakuada, pinasublida met laeng ti riknada.
