man la a pinagkutina dagiti nakatultulang a im-ima na.-
Adda a makitayo ditoy a pangukuman ti Rangtay ni Maag
a pinatakder ti maysa a kabsat mi, ket saan a natuloy, ta
dagiti mamasirib, nga awan sabali a namkuatan da no di ti
ammo da, kinunada a saan a nalagda ket saan a nakannanama, ket kitaenyo! ti rangtay madaeranna a sarangten amin
a layos ken ginggined!
-¡Dayta, puniales, dayta iso ti ibagak kuma itay!-kinuna daydi praile nga artiliero; ket dinanugna ti ima ti nag- tugawanna a palangka a kawayan;-iso dayta iso, ti Ranglay ni Maag, ken dagiti mamasirib, dayta kuma ti ibagak itay, Padre Salvi, wen, puniales!
Ni Ben-Zayb nagulimek, a kasla immisem, di ammo no pammadayawna, wen ket di no pudpudno nga awan ammona nga isungbat; ket nupay kasta, ¡is-iso laeng ti ulo nga agpanunot iti amin ti Pilipinas!-Ni Padre Irene intanged-tangedna ti ulo na a kasna pinangabuloy ket linidlidna ti atiddag nga agong na.
Ni Padre Salvi, daydi praile a nakuttong ken nakatultulang, a kasla nakaayat iti kasdi a tuddioda, intuluyna ti nagsao iti let-ang ti napalalo nga ulimek. -Ngem toy dina kayat a ibaga nga awan kinapudno dagiti sasao yo a kas met dagiti sasao ni Padre Camorra (toy iso ti nagan daydi praile nga artiliero); ti dakes adda iti danaw... -¡Awan ngamin uray maysa la a danaw a nasayaat ditoy, insamang ni dunia Victorina, a pudno a nakapungtot ken sisasagana a sumngat, tapno is-iso man la ti agsasaon.
Dagiti sisasaklang nagkikinnitada a sikikigtot, ket iti siglat ti maysa a jeneral, ni joyero Simoun bimiang:
-Ti pamuspusan, nalaka unay-kinuna ti timek na a nakaddidillaw, laok ti ingles ken amerikano a yabagatan;- ket pudno a diak ammo no ania ti gapo na nga awan la ti nakalagip.
Isuda amin timmaliawda ket tinimudda a sipapasnek unay, agraman pay daydi dominiko. Daydi agtagtagilako kadagiti balbalitok ken batbato a napateg (joyero), maysa a tao a namaga, natayag, nabaneg; napugot unay, ti aruat na kas la ingles ket nagkallugong iti timsin. Nakaddidillaw unay kenkuana dagiti bubuok na nga atitiddog a bin-ig a puraw a maisupadida unay iti iming na a nangisit ken narasay, iso a mangipadlaw iti kinamestiso na. Tapno pangsarapana iti pudot ti init, kanayon a nakaantiukos iti balbag a napalalo nagdakkel, iso a mangabbong a maminpinsan ka-
