7 dagiti matmata na ken iti pingir dagiti pingpingping na, a kas la itay maysa a bulsek wenno agkamata. Nakatakder a pinagkayangna dagiti dua a saksaka na a kasna pangterred iti bagi na ket dagiti im-ima na sikakautda kadagiti bulbulsa ti tsaketana.
-Ti pamuspusan, nalaka unay,-inulitna,-ket awanto pay mabusbos a uray maysa a kuarta!
Ti panagtimod dagiti sisasango immadadda. Kunku- nada sadi Manila a daydi a tao iso ti mangiturturong iti Jeneral, ket isuda amin kasda kitkitaenen a ti pamuspusan na nganngani maaramiden. Ni pay don Custodio timmaliaw.
-Mangaramid datao iti maysa a dakkel a tali a nalin- teg manipod iti puon ti karayan ingga na iti puyupuyan na, tali nga aglasat sadi Manila, kayatko a sawen, mangaramidtay iti baro a karayan a kinali ket gaburantay ti daan a karayan Pasig. Adunto ti maala a daga, umababanto ti paglayagan ket awanto ti pakaibarabaraan!
Daydi a gakat ni Simoun pinagmulenglengna amin ida. isuda a naruam ka dagiti pampamuspusan a kasta-kasta laeng.
-Gakat ti yanki!-kinuna ni Ben-Zayb, ta kayatna nga artiukan ni Simoun. Daydi joyero nabaybayag a nagiyan sadi Amerika nga Amianan.
Isuda amin naawatanda a naindaklan daydi a gakat, ket inpakitada a kasta iti garaw dagiti ul-ulo da. Ni laeng don Custodio, ni nawada a don Custodio, gapo iti kababalin na nga agwaywayas ken kadagiti nangato a sasaad na, ti nangipagarop nga annong na a supiaten ti maysa a gakat a saan a nagtaod kenkuana-¡daydi nga aramid ni Simoun, maysa nga agaw!ket naguyek, inaprusanna ti iming na ket iti natebbag a timek a kasla itay madama a makipurpurok iti Ayuntamiento, kinunana:
-Pakawanennak ni apo Simoun, daydayawek a pagayam. no kunayo a diak matinpuyugan ti gakat na; ado unay ti pirak a ibusenna, ket nalabit pay nga addadanto ilili a madadael.
-¡Dadaelen ida!-insungbat a silalamiis ni Simoun. ¿Ket ti pirak a pagbayad kadagiti agaramid...?
-Saan ida a baybayadan. Aramaten dagiti balbalod....
-Ni! awan umanay, apo Simoun!
-No awan umanay, amin a tattao, lallakay, agtutubo, ububbing isuda ti mapan agaramid. Ti sangapulo ket lima nga aldaw a inkapilitan a panagpulong ita, pagbalinen a tal- lo, uppat, lima a bulan a ipaay iti Turay; maysa pay, ¡rebbengda nga ikuyog ti kanen da, agraman pay masapol a kasangkapan dal
