- 193
—Mabalin a kasta, Kiko, mabalin,—insungbat daydi maysa, a kimmita sadi langit;—ti pirak mangrugi nga agawanen. . .
—Ni Uliteg a Kiko nangidayamudom iti sumagmamano a sao ken sarita a di agsusurot; no dagiti praile sumbrekda nga agipakpakdaar kadagiti buybuyaen, iso mapanto sumbreken a praile. Ket kalpasan ti panagpakada na iti gayyem na, immadayo a naguy-uyek ket inna pinagkaratikit dagiti kukuarta na a pinisos.
Ni Kamaronkosido, a kasla awan inna ikankano, kas kadawyan, intuluyna ti nagallaalla nga ulud-uludenna ti sakana ket dagiti matmata na makasugsugelda. Dinillawna ti idadateng dagiti ado a babbaro a ruprupa, a sabasabali dagiti naggapgapuan da, isuda nga agbibinnigbig babaen ti inaysa a pagilasinan: maysa a kiray, maysa nga uyek. Iso daydi ti umuna unay a pannakakitana kadagiti kakasdi a tattao iti kasdiay a kanito, iso, nga awan rupa ken tignay a dina ammo iti amin ti Manila. Tattao a saan a nalawag ti panagruprupada, nakakubbuda, saan da a makatalna ket saan unay a nasayaat fi pannakabalbaliw dagiti langlanga da, a kas no itay damdamuda pay la ti agamerikana. Idinto nga agyanda kuma iti akinrupa tapno makitada amin, inda aglemmeng iti nasignget, a kasla itay likliklikanda ti agpakita.
—?Polisya sekreta wenno agtaktakaw?—sinalubsod ni Ka maronkosido iti bagi na met laeng, ket inggiddatuna nga intal-o ti abaga na;—ket, ?ania ti bibiang ko?
Ti silaw ti maysa a lugan a suinungad linawaganna, idi inna linabasan, ti uppat wenno lima kadagiti a tattao a makisarsarita iti maysa a kas la soldado.
—!Polisya sekreta! palabit baro a Polisya!— indayamudumna.
Ket naggaraw iti garaw ti saan a mangikankano. Ngem idi kuan, napaliiwna a daydi soldado, kalpasan ti pannakisarita na iti dua wenno tallo pay a gunggunglo, nagturong iti maysa a lugan ket kasla nakisarita iti nabiag iti maysa a tao nga adda iti uneg. Ni Kamaronkosido immaddang iti sumagmamano, a di ket nasdaawan, kasna nailasin a ni joyero Simoun iso daydi, idi ta inna met nangngeg toy ababa a sarita!
—!Ti pagilasinan, maysa nga uni ti paltog!
—Ala wen, apo.
—Saan kay a madanagan; ti Jeneral iso ti akinbilin; ngem agaluadkayo no ibagbagayo. No surutenyo dagiti bilbilinko, maingatukayto.
